अदानींच्या कर्जावरून मोदींवर आरोप

0
10

वृत्तसंस्था,
नवी दिल्ली-अदानी समुहाचे मालक व उद्योगपती गौतम अदानी यांच्या उद्योगसमुहाला ऑस्ट्रेलियातील कोळसा खाणीसाठी एक अब्ज डॉलरचे कर्ज देण्याच्या स्टेट बँक ऑफ इंडियाच्या निर्णयावरून वादाला तोंड फुटले उठले आहे. पंतप्रधान नरेंद्र मोदी यांच्यामुळेच हे कर्ज बेकायदा देण्यात आल्याचा आरोप काँग्रेसने केला असतानाच, या प्रकरणी फक्त समझोता करार झाला असून, योग्य छाननी व कारवाईनंतरच कर्जाची रक्कम अदा केली जाणार असल्याचे स्टेट बँकेने स्पष्ट केले.
मोदी ऑस्ट्रेलिया दौऱ्यावर असतानाच अदानी यांच्या या प्रकल्पाला अंतिम मंजुरी दिल्याचे क्वीन्सलँड या ऑस्ट्रेलियन प्रांतांच्या प्रमुखांनी जाहीर केले होते. मोदींच्या ऑस्ट्रेलियन दौऱ्यात स्वतः अदानी आणि स्टेट बँक ऑफ इंडियाच्या अध्यक्ष अरुंधती भट्टाचार्य सहभागी झाल्या होत्या. त्यावरून, ‘स्टेट बँकेने अदानी यांना कर्ज देण्याचा निर्णय नेमक्या कोणत्या औचित्याने घेतला? पंतप्रधानांच्या भेटीवेळी त्यांच्यासमोर नेमके कोण बसले होते, असे प्रश्न काँग्रेस नेते अजय माखन यांनी केला आहे.