मुंबई, दि. 2- आज देशभरात मुस्लिम मोठ्या उत्साहात बकरी ईद साजरी केली जाते आहे. राज्यामध्येही बकरी ईदचा उत्साह पाहायला मिळतो आहे. बकरी ईदच्या निमित्ताने नमाज अदा करण्यासाठी ठिकठिकाणी मुस्लिम मोठ्या संख्येने एकत्र येत आहेत. तसंच ईदच्या शुभेच्छाही दिल्या जात आहेत. मुंबई, नाशिक, मालेगाव, सोलापूरमध्ये सकाळपासून नमाज अदा करण्यासाठी गर्दी झाली होती.
आज देशभरात मुस्लिम मोठ्या उत्साहात बकरी ईद साजरी करत आहेत. यानिमित्ताने पंतप्रधान नरेंद्र मोदी यांनी ट्विटरच्या माध्यमातून मुस्लिमांना बकरी ईदच्या शुभेच्छा दिल्या आहेत. बकरी ईदच्या शुभेच्छा, आपल्या समाजातील ऐक्य, बंधुभाव आणि सुसंवादाची भावना वाढत राहो असं ट्विट पंतप्रधान नरेंद्र मोदींनी केलं आहे.
