मुख्य बातम्या:
दुष्काळमुक्तीसाठी नागरिकांना जागृत करणार्या अधिकार्याचा सत्कार;वॉटर कप स्पर्धेत झरंडी प्रथम# #युवा भोयर-पवार मंच वार्षिक महोत्सव उत्साहात# #अंबाझरी टी पॉइंटजवळ भीषण अपघात, दुचाकीवरच्या तिघींचा मृत्यू# #विभागीय आयुक्त अनुपकुमार यांची बदली# #गोवारी समाजाला ST आरक्षण मिळणार; नागपूर खंडपीठाचा ऐतिहासिक निकाल# #राज्यात ६१५ नक्षल्यांचे आत्मसमर्पण# #प्रधानमंत्र्याच्या प्रतिकात्मक पुतळ्याचे दहन,राज्यघटना जाळल्याचा निषेध# #जुनी पेन्शन हक्क संघटन बनतय डीसीपीएस धारक कुटुंबीयांचा आधार# #सिमावर्ती प्रश्नाबाबत लवकरच खा.चव्हाण यांना आराखडा सादर करणार# #दुर्गामंदीर चप्राड (पहाडी) येथे दरोडा

वृद्धेवर अत्याचार करून आरोपीने केली आत्महत्या

पवनी, दि. २७ – भंडारा जिल्ह्यातील पवनी तालुक्यात  एका ६५ वर्षीय वृद्धेवर अत्याचार केल्यानंतर फरार झालेल्या आरोपीने वैनगंगा नदीपात्रात आत्महत्या केल्याची घटना आज बुधवारला दुपारी उघडकीस आली. राहुल पुरूषोत्तम तलमले (२६) रा.भेंडारा असे मृत आरोपी तरूणाचे नाव आहे.  पवनी तालुक्यातील भेंडारा येथील ही महिला घरी एकटी राहत होती. २५ सप्टेंबरच्या रात्री १२ वाजताच्या सुमारास आरोपी राहुल तलमले हा त्या महिलेच्या घरी गेला. तिच्या तोंडात कापड टाकून अत्याचार केला. त्यानंतर तिचे डोके भिंतीवर आपटून तिला मारहाण केली. यात ती गंभीररित्या जखमी झाली. दरम्यान घरातील सर्व साहित्य अस्ताव्यस्त फेकून देऊन तो तिथून फरार झाला. रात्रभर ही महिला बेशुद्धावस्थेत राहिली. त्यानंतर २६ सप्टेंबर रोजी सायंकाळी तिला शुद्ध आल्यानंतर ही घटना उघडकीस आली. त्यानंतर काल रात्री पवनी पोलीस ठाण्यात तक्रार दाखल करण्यात आली. पवनी पोलिसांनी रात्रभर आरोपीचा शोध घेतला असता आरोपी कुठेही सापडला नाही. दरम्यान, आज बुधवारला दुपारी एका तरूणाचा मृतदेह वैनगंगा नदीपात्रात तरंगताना आढळून आला. मृतदेह पाण्याबाहेर काढण्यात आला असता तो बलात्कार करून फरार झालेला राहूल तलमले नामक आरोपी असल्याचे निष्पन्न झाले. या प्रकरणी पवनी मृत आरोपीविरूद्ध भादंवि ३७६, ३०७, ४५० कलमान्वये गुन्हा दाखल केला आहे. या घटनेचा तपास पवनीचे पोलीस निरीक्षक सुनील ताजने यांच्या मार्गदर्शनात उपनिरीक्षक चेतन बोरखडे हे करीत आहेत.

Share