यवतमाळ,दि.03ः- जिल्ह्यातील वणी येथील 11 वी विज्ञान शाखेचे प्रवेशप्रक्रिया केंद्रीय पद्धतीने नियमाला अनुसरून केल्याने अनुदानित व विनाअनुदानित तुकड्यांमधील प्रवेशाचे कारण समोर करून आज वणीतील ‘लढा शिक्षणाचा विद्यार्थाच्या हक्काचा’ या संघटनेचे कार्यकर्त्यांनी शिक्षणाधिकार्यांच्या कार्यालयात घुसून त्यांच्यावर शाईफेक करीत मारहाण केल्याची घटना घडली. आंदोलकांनी शिक्षणाधिकारीला जखमी होईपर्यंत मारहाण केल्याने व सोबत शाई बॉटल घेऊन आल्याने हा हल्ला पूर्वनियोजित असल्याची शंका जिल्हा परिषदेच्या शिक्षण विभागातील सूत्रांचे म्हणणे आहे.
