मुख्य बातम्या:
खजरी/डोंगरगांव येथील आदिवासी विकास विद्यालयाचे वार्षिक स्नेहसंमेलन उत्साहात# #मुख्यमंत्री सौर कृषिपंप योजनेत मार्च अखेरपर्यन्त ५० हजार शेतकऱ्यांना वीजजोडणी द्यावी-ऊर्जामंत्री# #एक शाम राष्ट्र के नाम' कवि संमेलन आज - भाजयुमोचे आयोजन# #तिरंग्या”नं दिला स्वयंरोजगार ! बांबूपासून बनवलेला तिरंगा देश-विदेशात# #अर्जुनी मोर व साकोली पं.स.च्या नव्या इमारत बांधकामाला मंजुरी# #सिरोंचा येथील युवकांची राष्ट्रीय कराटे स्पर्धेकरिता निवड# #संघी टाॅपर्स अवॉर्ड समारोह ४ फेब्रुवारीला# #समाजाच्या प्रगतीसाठी संघठीत होणे गरजेचे : खनिज मंत्री जायसवाल# #स्वच्छ शौचालय स्पर्धेत सहभागी होऊन पुरस्कार मिळावा# #आर्थिक लाभासाठी घनकचरा व्यवस्थापन प्रकल्पाला मंजुरी,शासनाची दिशाभूल-राकेश ठाकुर

मृदा व जलसंधारण विभागाचा अभियांत्रिकी सहाय्यक एसीबीच्या जाळ्यात

बुलडाणा ,दि.२८ : पाझर तलावात गेलेल्या शेतजमिनीचा मोबदला लवकर मिळवून देण्यासाठी ३० हजारांची लाच स्वीकारणाऱ्या  देऊळगावराजा मृदा व जलसंधारण विभागाच्या स्थापत्य अभियांत्रिकी सहाय्यकास लाचलुचपत प्रतिबंधक विभागाच्या पथकाने २८ फेब्रुवारी रोजी  किनगाव जट्टू येथे रंगेहात अटक केली. प्रल्हाद  नामदेव पायघन असे लाच स्कीकारणाऱ्या  अधिकाऱ्याचे नाव आहे. सिंदखेडराजा तालुक्यातील किनगाव जट्टू येथील तक्रारदाराने ५ फेब्रुवारी रोजी एसीबीकडे तक्रार नोंदवली होती. त्यामध्ये जमिनीचा मोबदला लवकर मिळवून देण्यासाठी ३० हजारांची लाच मागितल्याचे नमूद केले होते. याबाबत ५ फेब्रुवारी रोजी पडताळणी करण्यात आली. त्यानुसार २२ फेब्रुवारी रोजी सापळा रचण्यात आला. मात्र स्थापत्य अभियांत्रिकी सहाय्यक प्रल्हाद नामदेव पायघन वय ३७ यास संशय आल्याने त्याने लाचेची रक्कम स्कीकारली नाही. त्यामुळे पुन्हा २८ फेब्रुवारीला सापळा रचण्यात आला. यावेळेस पायघन याने ३० हजार रुपयांची लाच तक्रारदाराकडून स्वीकारताच लाच लुचपत प्रतिबंधक विभागाच्या पथकाने त्यास रंगेहात पकडले. पोलिस अधीक्षक श्रीकांत धिवरे, अप्पर पोलिस अधीक्षक नाशिककर, पोलिस उपअधिक्षक शैलेश जाधव यांच्या मार्गदर्शनाखाली पोलिस निरीक्षक प्र. बा. खंडारे, हेड कॉन्स्टेबल जवंजाळ, लेकूरवाळे, गडाख, सोळंके, लोखंडे, पवार, समीर शेख यांनी या कारवाईत सहभाग घेतला.

Share