सीईओ दयानिधींची सेजगाव तलाव खोलीकरणाच्या कामाला भेट

0
7
गोंदिया,दि.15 : तिरोडा तालुक्यातील सेजगाव येथे महाराष्ट्र ग्रामीण रोजगार हमी योजने अंतर्गत तलाव खोलीकरणाचे काम सुरू करण्यात आले आहे. अंदाजीत २० लक्ष रुपयाचे  हे काम आहे. या कामाला गावातील सुमारे ५०६ मजुरांना रोजगार उपलब्ध झाला आहे. त्या अनुसंगाने १४ मार्च रोजी जिल्हा परिषदेचे मुख्य कार्यकारी अधिकारी डॉ. राजा  दयानिधी व उपमुकाअ. यांनी या कामाला भेट देऊन कामा विषयी तसेच मजुराच्या समस्या विषयी सरपंच कंठीलाल पारधी तसेच ग्राम सचिवाकडून माहिती जाणून घेतली.
जिल्ह्यात यंदा दुष्काळी परिस्थिती निर्माण झाल्याने जिल्हा प्रशासनाने मनरेगाच्या कामाला प्राधान्य देत विविध कामांना सुरुवात केली आहे. महात्मा गांधी राष्ट्रीय ग्रामीण रोजगार हमी योजनेच्या माध्यमातून  ग्रामपंचायत स्तरावरील ५० टक्के कामे सुरू करण्यात आली आहे. या कामामध्ये घरकुलांचा कामाचाही समावेश आहे. यासह पांदन व सिमेंट रस्ते, भात खाचर, नाला सरळीकरण यासारखी कामे ग्रामपंचायत स्तरावर सुरू आहेत. ही कामे बरोबर सुरू आहेत. की नाही तसेच गावातील गरजू नागरिकांना या माध्यमातून रोजगार उपलब्ध झाला की नाही, याची माहिती मुकाअ. डॉ. राजा दयानिधी कामाच्या स्थळी जाऊन घेत आहेत. त्या अनुसंगाने १४ मार्च रोजी  तिरोडा तालुक्यातील सेजगाव येथील तलाव खोलीकरणाच्या कामावर जाऊन त्या कामाची पाहणी केली. तसेच संपुर्ण माहिती जाणून घेतली. यावेळी डॉ. राजा दयानिधी यांच्यासह नरेगा.चे उपमुकाअ. तसेच सरपंच कंठीलाल पारधी, माजी पं.स. उपसभापती डॉ. किशोर पारधी,  ग्रामसेवक पी.एम. गौतम, उपसरपंच सप्नील महाजन,  ग्रामरोजगार सेवक मोहन पारधी आदी उपस्थित होते.