मुख्य बातम्या:
पत्रकारांच्या स्थैर्यासाठी महाराष्ट्र शासन सदैव त्यांच्या पाठिशी - मुख्यमंत्री देवेंद्र फडणवीस# #दिल्लीत ३१ जानेवारीला पहिल्या ‘मुकनायक पुरस्काराचे’ वितरण - सामाजिक न्याय मंत्री राजकुमार बडोले# #गोंदिया येथे लवकरच विमान सेवा सुरु होणार - सामाजिक न्यायमंत्री राजकुमार बडोले# #ट्रॅक्टर मालकावर ठोठावला १ लाखाचा दंड: महालगाव येथील घटना# #भारतीय मानवाधिकार परिषदेने केला नक्षलवाद्यांचा निषेध# #सामान्य नागरिकांपर्यंत आरोग्य सुविधा पोहचवा – खा. मधुकर कुकडे# #शेतकऱ्यांच्या सिंचन व्यवस्थेला प्रथम प्राधान्य-ना.बडोले# #समायोजनच्या नावावर बदली झालेल्या विषयतज्ज्ञांची थट्टाच!# #मुख्यमंत्री व वित्तमंत्र्यांनी आश्वासनाची अंमलबजावणी करावी-प्रतिमा मेश्राम# #महाराष्ट्रातील दोघांना ‘प्रधानमंत्री राष्ट्रीय बाल पुरस्कार’ प्रदान

बाबासाहेबांचे राष्ट्रीय स्मारक

नवी दिल्ली,दि.31(वृत्तसंस्था) – राजधानीतील 26, अलीपूर रोड, येथे डॉ. बाबासाहेब आंबेडकर राष्ट्रीय स्मारक तयार झाले आहे. येत्या 14 एप्रिल रोजी डॉ. आंबेडकर जयंतीला पंतप्रधान नरेंद्र मोदींच्या हस्ते स्मारकाचे उद्घाटन होणार आहे. बाबासाहेबांचे शेवटचे दिवस आणि महापरिनिर्वाण हे दिल्लीतील याच ठिकाणी झाले होते. येथे आता पुस्तकासारखे दिसणारे भव्य म्यूजियम तयार करण्यात आले आहे. येथे डॉ. बाबासाहेब आंबेडकरांचा ओरिजनल आवाज 3डी मध्ये अनुभवता येणार आहे. याशिवाय लंडन स्कूल ऑफ इकॉनॉमिक्सच्या क्लाससाठी बाबासाहेब जात आहेत, याच्या 3डी मुव्हमेंट पाहाता येणार आहेत. बाबासाहेबांचे हे राष्ट्रीय स्मारक बौद्ध शैलीत बांधण्यात आले आहे.

मुख्य प्रवेशद्वारातून स्मारकामध्ये प्रवेश केल्यानंतर भारतीय घटनेचे शिल्पकार डॉ. बाबासाहेब आंबेडकरांचा 12 फुटांचा भव्य पुतळा दिसेल. दुसरीकडे, बोधीवृक्षाखाली बाबासाहेबांचा आणखी एक पुतळा असेल.स्मारकामधील एका भिंतीवर बाबासाहेबांचे विचार – ‘मी प्रथम भारतीय आहे आणि शेवटीही भारतीय आहे!’ इंग्रजीमध्ये उद्धृत केलेले आहेत. इतर भिंतीवर संविधान सभेतील संपूर्ण बैठका, पंडित नेहरुंच्या पहिली कॅबिनेट, ड्राफ्टिंग कमिटी आणि घटना मसुद्यावर बाबासाहेबांची स्वाक्षरी पाहाता येईल.स्मारक भेटीचे तिकीट दर अद्याप निश्चित झाले नाहीत. मात्र एका व्यक्तीला 90 मिनिटानंतरच स्मारकातून बाहेर पडता येईल. स्मारकात विविध ठिकाणी टीव्ही स्क्रिनवर बाबासाहेबांविषयीची विविध माहिती दिली जाईल.  मोबाइल शेपमध्ये स्मारकाच्या माहितीविषयीचा इन्फर्मेशन पाँइट तयार करण्यात आला आहे.

Share