मुख्य बातम्या:
काँग्रेस नेते पटोलेंच्या नेतृत्वात धडकला जनआक्रोश मोर्चा# #लाखाची लाच घेतांना उपअभियंता जाळ्यात# #ओबीसीच्या मुद्द्यावर भाजप लोकप्रतिनिधींचे पितळ उघडे पडले-आ.विजय वडेट्टीवार# #वेतन कपात प्रश्नी, सीईओची मुख्य सचिवाकडे तक्रार करणार# #पालकमंत्री संजय राठोड यांचा आज वाशिम जिल्हा दौरा# #स्वाभिमानी शेतकरी संघटना करणार राज्यभर आंदोलन# #कुष्ठरुग्ण शोध अभियान यशस्वीतेसाठी जनतेनी सहकार्य करावे- जिल्हाधिकारी डॉ.बलकवडे# #युवकावर चाकुने वार केल्या प्रकरणी युवतीवर नागभीड पोलीसांनी केला गुन्हा दाखल# #ओबीसी गैरआदिवासीच्या अन्यायाविरोधात ओबीसी युवा महासंघाने केली निर्णयाची होळी# #आलापल्ली-भामरागड मार्गावर आढळले नक्षली बॅनर

कबीर कला मंच, रिपब्लिकन पॅंथरसह वकिलाच्या घरावर छापेमारी

पुणे/नागपूर,दि.17-पुण्यात 31 डिसेंबर 2017 रोजी पार पडलेल्या एल्गार परिषदेप्रकरणी पुण्यातील कबीर कला मंच, मुंबईतील रिपब्लिकन पॅंथरचे कार्यालय व घरावर तसेच गेल्या वर्षापासून नक्षलवाद्यांच्या केसेस लढणारे नागपूरातील वकिल सुरेंद्र गडलिंग यांच्या घरी पुणे पोलिसांनी छापा सत्र सुरू केले आहे. आज पहाटेपासून पुणे, मुंबई व नागपूरमध्ये एकाच वेळी हे छापे टाकले आहेत. दरम्यान, आजच्या धाडीचा एल्गार परिषदेशी संबंध नाही, शहरी भागात नक्षली चळवळींची पाळेमुळे रूजत आहे, त्याच्या संशयावरून संबंधित कारवाई होत आहे असे, मुख्यमंत्री देवेंद्र फडणवीस यांनी म्हटले आहे.

पुण्यात 31 डिसेंबर 2017 रोजी शनिवार वाड्यावर एल्गार परिषदेचे आयोजन करण्यात आले होते. त्यानंतर 1 जानेवारी रोजी भीमा कोरेगाव येथे दलित समाजातील लोकांवर मोठ्या प्रमाणात दगडफेक झाल्यानंतर हिंसाचार उफाळला होता. या घटनेच्या निषेधार्थ प्रकाश आंबेडकरांच्या नेतृत्त्वाखाली दलित संघटनांनी 3 जानेवारीला ‘महाराष्ट्र बंद’ पुकारला होता.

या घटनेनंतर 7 जानेवारी 2018 रोजी कबीर कला मंचच्या चार जण, तर रिपब्लिकन पँथरच्या चार जणांविरोधात पुणे पोलिसांनी गुन्हा दाखल केला होता. या प्रकरणात आज पहाटे पासून पुण्यातील कबीर कला मंचच्या दोन कार्यकर्त्यांच्या घरावर तर मुंबईत रिपब्लिकन पँथरच्या कार्यालयावर पुणे पोलिसांनी धाडी टाकल्या आहेत.कबीर कला मंचच्या वाकडमधील सागर गोरखे या कार्यकर्त्याच्या घरी पोलिसांनी छापा टाकला आहे. तसेच रमेश गायचोर या कबीर कला मंचच्या कार्यकर्त्याच्या घरीही छापेमारी टाकत काही साहित्य जप्त केले आहे. मुंबईतही रिपब्लिकन पँथरच्या कार्यालयावर व कार्यकर्ते सुधीर ढवळे आणि हर्षाली पोतदार यांच्या घरी झडतीसत्र घेतले जात आहे.

भीमा कोरेगाव हिंसाचारात नक्षलवाद्यांचा हात असल्याचा पोलिसांचे म्हणणे आहे. त्यामुळे नागपूरचे अॅंड. सुरेंद्र गडलिंग यांच्या नागपूरातील घरावर छापेमारी करण्यात येत आहे. गडलिंग हे मागील 20 वर्षापासून नक्षलवाद्यांच्या केसेस लढवताहेत

Share