एसआरपीएफच्या पोलिस उपनिरीक्षकाची गोळी झाडून आत्महत्या

गडचिरोली,२८  पोलिस मुख्यालयानजीक असलेल्या राज्य राखीव पोलिस दलाच्या लघु मुख्यालयात  कार्यरत पोलिस उपनिरीक्षकाने स्वतःवर बंदुकीतून गोळी झाडून आत्महत्या केल्याची घटना आज २८ एप्रिल रोजी सायंकाळी ५ वाजताच्या सुमारास घडली.राजेंद्र इंगळे (५३)  असे आत्महत्या करणाऱ्या पोलिस उपनिरीक्षकाचे नाव आहे. इंगळे हे एसआरपीएफच्या गट क्रमांक ४ मध्ये कार्यरत होते, अशी माहिती प्राप्त झाली आहे. नेमकी कोणत्या कारणामुळे आत्महत्या केली याबाबत माहिती मिळू शकली नाही. घटनेचा तपास गडचिरोली शहर पोलिस करीत आहेत.