भंडारा,दि.12ः- खातरोडवरील खोकरला येथे भाड्याच्या घरात देहव्यापार करणार्या चार महिलांसह एका इसमाला गुरुवारी (ता.१0) ४.३0 वाजताच्या सुमारास स्थानिक गुन्हे शाखेने धाड टाकून अटक केली.
जिल्हा पोलिस अधीक्षक विनीता साहू यांना मिळालेल्या गुप्त माहितीवरून स्थानिक गुन्हे शाखेचे पोलिस निरीक्षक सुरेशकुमार घुसर यांनी पथकांसह खोकरला शिवारात सुरूअसलेल्या देहव्यापाराचे ठिकाणी अत्यंत शिताफीने सापळा रचून धाड घातली. यावेळी भाड्याच्या घरात एक ४२ वर्षीय महिला मुलींना देहविक्री करण्यास प्रवृत्त करतांनी मिळून आली. सदर ठिकाणी देहविक्री करण्याचे उद्देशाने ४ महिला तसेच एक ईसम आढळून आले. महीला व ईसमाविरुध्द भंडारा पोलिसांनी कलम ३, ४, ५ (क), स्त्रियांचा अनैतीक व्यापार प्रतिबंधक कायदा सन १९५६ अन्वये गुन्हा नोंद केला असून ४ महीलांना सुधारगृहात पाठविण्यात आले आहे. सदर कारवाई पोलिस अधीक्षक विनीता साहू, अपर पोलिस अधीक्षक रश्मी नांदेडकर यांच्या मार्गदर्शनाखाली स्थानिक गुन्हे शाखेचे पोलिस निरीक्षक सुरेशकुमार घुसर, सहाय्यक पोलिस निरीक्षक विजय पोटे तसेच पोलिस हवालदार वामन ठाकरे, सुधीर मडामे, पोलिस नायक रोशन गजभिये, पोलिस शिपाई वैभव चामट, चेतन पोटे, स्नेहल गजभिये, योगीता जांगळे, चालक पोलिस हवालदार रामटेके यांनी केली.
