बुलढाणा,दि.14ः- जिल्ह्यात रविवारला आरोपिकडून १० किलो गांजा जप्त करण्यात आला आहे. सदर कारवाई स्थानिक गुन्हे शाखेने मिळालेल्या माहितीच्या आधारे केली.स्थानिक गुन्हे शाखेला मिळालेल्या गुप्त माहीतीवरून मलकापूर येथून मुंबई येथे गांजा नेत असलेल्या एकास स्थानिक गुन्हे शाखेने रंगेहात पकडून १० किलो गांजा जप्त केला आहे. बुलढाणा जिल्ह्यातील मलकापूर शहरात याप्रकरणी राजू रामलाल श्रेष्ठ (वय 30, रा. बेलापूर, जि. ठाणे) या गांजा नेणाऱ्या युवकास स्थानिक गुन्हे शाखेने ताब्यात घेतले असून त्याच्याकडून सुमारे १ लाख ३ हजार ४८० रुपये किंमतीचा १० किलो गांजा जप्त केल्याची माहिती स्थानिक गुन्हे शाखेने दिली. याबाबत स्थानिक गुन्हे शाखेला मिळालेली गोपनीय माहिती वरून मलकापूर येथुन एक युवक गांजा घेऊन मुंबईला जात असल्याची माहीती मिळताच रेल्वे स्टेशन परिसरात सापळा रचून सॅगमध्ये गांजा घेऊन जाणाऱ्या राजू रामलाल श्रेष्ठ यास पकडण्यात आले. सदर कारवाई पोलीस अधिक्षक शशिकुमार मीना, अपर पोलीस अधिक्षक प्रताप शिकारे, यांच्या मार्गदर्शनात पोलीस उपनिरीक्षक दिनकर गोरे, विकास पानझोडे, रघुनाथ जाधव यांनी केली.
