मुख्य बातम्या:
पत्रकारांच्या स्थैर्यासाठी महाराष्ट्र शासन सदैव त्यांच्या पाठिशी - मुख्यमंत्री देवेंद्र फडणवीस# #दिल्लीत ३१ जानेवारीला पहिल्या ‘मुकनायक पुरस्काराचे’ वितरण - सामाजिक न्याय मंत्री राजकुमार बडोले# #गोंदिया येथे लवकरच विमान सेवा सुरु होणार - सामाजिक न्यायमंत्री राजकुमार बडोले# #ट्रॅक्टर मालकावर ठोठावला १ लाखाचा दंड: महालगाव येथील घटना# #भारतीय मानवाधिकार परिषदेने केला नक्षलवाद्यांचा निषेध# #सामान्य नागरिकांपर्यंत आरोग्य सुविधा पोहचवा – खा. मधुकर कुकडे# #शेतकऱ्यांच्या सिंचन व्यवस्थेला प्रथम प्राधान्य-ना.बडोले# #समायोजनच्या नावावर बदली झालेल्या विषयतज्ज्ञांची थट्टाच!# #मुख्यमंत्री व वित्तमंत्र्यांनी आश्वासनाची अंमलबजावणी करावी-प्रतिमा मेश्राम# #महाराष्ट्रातील दोघांना ‘प्रधानमंत्री राष्ट्रीय बाल पुरस्कार’ प्रदान

नागपुरात विद्यार्थिनीचे अपहरण करून सामुहिक बलात्कार

नागपूर दि. १४ :-: रात्रीच्या वेळी निर्जन रस्त्याने पायी घरी जात असलेल्या 18 वर्षीय विद्यार्थिनीचे दोघांनी दुचाकीवर बळजरीने बसवून अपहरण केले. तिला एका पडक्‍या घरात नेऊन दोरीने हातपाय बांधून रात्रभर सामूहिक बलात्कार केला. तिने मदतीसाठी आरडाओरड केली असता कुणीही धावून आले नाही. पहाटेच्या सुमारास युवतीने आरोपींच्या तावडीतून पळ काढून पोलिस स्टेशन गाठले. या प्रकरणी जरीपटका पोलिसांनी अनोळखी दोन युवकांविरूद्ध गुन्हा दाखल केला. ही घटना रविवारी सकाळी उघडकीस आली. पीडित 18 वर्षीय युवती वृषाली (बदलेले नाव) ही जरीपटक्‍यातील धम्मज्योतीनगरात राहते. बारावीची परीक्षा संपल्यामुळे तिने ब्युटी पार्लरचे क्‍लासेस लावले होते. शनिवारी सायंकाळी ती घरून पायी क्‍लासला गेली. परंतु, क्‍लासला सुटी असल्यामुळे ती मैत्रिणीकडे जाण्यास निघाली. रात्री आठ वाजता निर्जन रस्त्यावर एकट्या युवतीला पाहून दुचाकीवरून आलेल्या दोन युवकांनी तिला हटकले. तिने मैत्रिणीकडे जात असल्याचे सांगितले. रस्त्याने मदतीसाठी कुणीही नसल्याचे पाहताच तिला दुचाकीने सोडून देऊ का? अशी विचारणा केली? वृषालीने मात्र नकार देऊन चालायला लागली. त्यानंतर तिच्याशी आरोपींनी अश्‍लिल चाळे करणे सुरू केले. तिला बळजबरीने दुचाकीवर ओढून अपहरण केले. तिला कामठी नाका क्रमांक 2 जवळील एका कोपऱ्यात असलेल्या पडक्‍या घरात नेले. तेथे तिचे दोरीने हातपाय बांधले तर तोंडात रूमाल कोंबला. त्यानंतर दोघांनीही दारू प्यायली. आरोपींनी रात्रभर सामूहिक बलात्कार तसेच अनैसर्गिक लैंगिक अत्याचार केला. पहाटेच्या सुमारास आरोपी झोपल्याचे पाहून युवतीने तेथून पळ काढला. तिने थेट जरीपटका पोलिस स्टेशन गाठले. पोलिसांना हकीकत सांगितली. तक्रारीवरून पोलिसांनी अनोळखी दोन युवकांविरूद्ध सामूहिक लैंगिक अत्याचाराचा गुन्हा दाखल केला. पोलिस आरोपींचा शोध घेत आहेत.

Share