मुख्य बातम्या:
खजरी/डोंगरगांव येथील आदिवासी विकास विद्यालयाचे वार्षिक स्नेहसंमेलन उत्साहात# #मुख्यमंत्री सौर कृषिपंप योजनेत मार्च अखेरपर्यन्त ५० हजार शेतकऱ्यांना वीजजोडणी द्यावी-ऊर्जामंत्री# #एक शाम राष्ट्र के नाम' कवि संमेलन आज - भाजयुमोचे आयोजन# #तिरंग्या”नं दिला स्वयंरोजगार ! बांबूपासून बनवलेला तिरंगा देश-विदेशात# #अर्जुनी मोर व साकोली पं.स.च्या नव्या इमारत बांधकामाला मंजुरी# #सिरोंचा येथील युवकांची राष्ट्रीय कराटे स्पर्धेकरिता निवड# #संघी टाॅपर्स अवॉर्ड समारोह ४ फेब्रुवारीला# #समाजाच्या प्रगतीसाठी संघठीत होणे गरजेचे : खनिज मंत्री जायसवाल# #स्वच्छ शौचालय स्पर्धेत सहभागी होऊन पुरस्कार मिळावा# #आर्थिक लाभासाठी घनकचरा व्यवस्थापन प्रकल्पाला मंजुरी,शासनाची दिशाभूल-राकेश ठाकुर

भंडारा-गोंदिया लोकसभा पोटनिवडणूक १८ उमेदवार रिंगणात

ङ्घ मतदानाची वेळ सकाळी ७ ते सायंकाळी ६ वाजतापर्यंत

गोंदिया,दि.१४ : भंडारा-गोंदिया लोकसभा पोटनिवडणूकीसाठी आज अर्ज मागे घेण्याच्या शेवटच्या दिवशी १८ उमेदवार रिंगणात राहिले आहेत. वैद्य २४ उमेदवारांपैकी आज ६ उमेदवारांनी आपले अर्ज मागे घेतले आहेत. निवडणूक आयोगाने मतदानाची वेळ सकाळी ७ ते सायंकाळी ६ पर्यंत केल्याची माहिती जिल्हाधिकारी तथा निवडणूक निर्णय अधिकारी अभिमन्यु काळे यांनी पत्रकार परिषदेत दिली. या पत्रकार परिषदेला उपजिल्हाधिकारी निवडणूक विलास ठाकरे उपस्थित होते.
राष्ट्रीय व राज्याचे अधिकृत पक्षाचे उमेदवार मधुकरराव कुकडे राष्ट्रवादी काँग्रेस पार्टी चिन्ह घडयाळ, हेमंतकुमार श्रावण पटले भारतीय जनता पार्टी चिन्ह कमळ, राष्ट्रीय व राज्याचे अधिकृत पक्षाव्यतिरिक्त नोंदणीकृत पक्षाचे उमेदवार अक्षय योगेश पांडे विदर्भ माझा पार्टी चिन्ह दूरदर्शन, गोपाल तुकाराम उईके गोंडवाना गणतंत्र पार्टी चिन्ह करवत, डॉ. चंद्रमणी हिरालाल कांबळे डॉ. आंबेडकराईट पार्टी ऑफ इंडिया चिन्ह कोट, जितेंद्र आडकू राऊत अखील भारतीय मानवता पक्ष चिन्ह पेनाची निब सात किरणांसह, धर्मराज रामचंद्र भलावी बहुजन मुक्ती पार्टी चिन्ह खाट, नंदलाल दिक्षीत काडगाये बळीराजा पार्टी चिन्ह नारळाची बाग, बोरकर राजेश पुरुषोत्तम बहुजन रिपब्लीकन सोशालिस्ट पार्टी चिन्ह गॅस सिलेंडर, मडावी लटारी कवडू भारीप बहुजन महासंघ चिन्ह कपबशी, अजाबलाल तुलाराम अपक्ष चिन्ह फळांची टोपली, किशोर मनोहर पंचभाई अपक्ष चिन्ह ट्रॅक्टर चालविणारा शेतकरी, गजबे काशिराम जगन अपक्ष चिन्ह बॅट, चनिराम लक्ष्मण मेश्राम अपक्ष चिन्ह नांगर चालविणारा शेतकरी, पुरुषोत्तम नारायणराव कांबळे अपक्ष चिन्ह मेनबत्ती, राकेश टेंभरे अपक्ष चिन्ह हिरा, रामविलास शोभेलाल मस्करे अपक्ष चिन्ह बासरी व सुहास अनिल फुंडे अपक्ष चिन्ह अंगठी हे उमेदवार रिंगणात आहेत.
मतदानाची वेळ सकाळी ७ ते सायंकाळी ६ वाजतापर्यंत करण्यात आल्याची माहिती जिल्हाधिकारी अभिमन्यु काळे यांनी पत्रकार परिषदेत दिली. मतदार जागृती मोहिम राबविण्यात येणार असून जास्तीत जास्त लोकांनी मतदान करावे यासाठी विशेष अभियान राबविले जाणार असल्याचे त्यांनी सांगितले. लोकसभा निवडणूकीत प्रथमच व्हिव्हिपॅटचा वापर होणार असून या मशिन विषयी नागरिकांना माहिती व्हावी म्हणून महत्वाचे चौक, बाजाराचे ठिकाणी व अन्य ठिकाणी व्हिव्हिपॅटचे सादरीकरण केले जाणार आहे. प्रत्येक तालुक्यात एक मॉडेल मतदान केंद्र तयार करण्यात येणार असल्याचे श्री. काळे यांनी पत्रकार परिषदेत सांगितले.

Share