गोंदिया,दि.30 : महाराष्ट्र राज्य माध्यमिक व उच्च माध्यमिक शिक्षण मंडळाच्या बारावी परीक्षेचा आॅनलाईन निकाल बुधवारी जाहीर करण्यात आला. मागील वर्षीच्या तुलनेत नागपूर विभागाचा निकाल १.४८ टक्क्यांनी घटला असून राज्यातील स्थानदेखील घसरले आहे. संपूर्ण विभागाच्या निकालाची आकडेवारी ८७.५७ टक्के इतकी आहे.तर विभागात पहिल्या क्रमांकावर नागपूर ८९.७२ % व व्दितीय क्रमांकावर गोंदिया जिल्ह्याचा ८९.३६ % निकाल लागला आहे.उत्तीर्णांची सर्वात कमी टक्केवारी गडचिरोली जिल्ह्याची आहे. तेथे १३ हजार ६७० पैकी ११ हजार ७० म्हणजे ८०.९८ टक्के परीक्षार्थी उत्तीर्ण झाले. गोंदिया जिल्ह्यातील सरस्वती ज्यु.काॅलेज अर्जुनी मोरगावचा जयंत धर्मराज लोनारे या विद्यार्थ्याने 635 (650) 97.69 टक्के अंक मिळवून जिल्ह्ता प्रथम क्रमांक पटकावला.याच महाविद्यालयातील अभय देवराम चांदेवार 97.07 टक्के,कु.पल्लवी हरीष ढोमणे 96.92 व जयंत मधुकर पर्वते यांने 94.15 टक्के अंक मिळविले आहे. गोंदिया जिल्ह्यातून21139 विद्यार्थ्यांनी नोंदणी केली होती.21134 विद्यार्थी परिक्षेला बसले.960 विद्यार्थ्यांनी प्राविण्यश्रेणीत स्थान मिळविले आहे.तर 18861 विद्यार्थ्यांनी या परिक्षेत यश मिळविले आहे.
विभागात नेहमीप्रमाणे मुलींनीच बाजी मारली असून उत्तीर्णांमध्येदेखील विद्यार्थिनींचेच प्रमाण जास्त आहे. विभागातून ८१ हजार ११२ विद्यार्थिनींनी परीक्षा दिली व त्यातील ७३ हजार ८१४ उत्तीर्ण झाल्या. त्यांच्या उत्तीर्ण होण्याची टक्केवारी ९१ टक्के इतकी आहे. तर विद्यार्थ्यांचे प्रमाण ८४.२४ टक्के इतके आहे. सोमवारी दुपारी १ वाजता नागपूर विभागाचे निकाल जाहीर करण्यात आले. नागपूर विभागीय मंडळाचे प्रभारी अध्यक्ष देशपांडे रविकांत देशपांडे यांनी निकालाची घोषणा केली. नागपूर विभागात एकूण १ लाख ६४ हजार ६२७ पैकी १ लाख ४४ हजार १७० परीक्षार्थ्यांनी यश संपादित केले.
नियमित विद्यार्थ्यांची विभागीय आकडेवारी
अभ्यासक्रम परीक्षार्थी उत्तीर्ण टक्केवारी
विज्ञान ७०,२६८ ६७,६३९ ९६.२६
कला ६५,१६१ ५१,०८२ ७८.३९
वाणिज्य २१,४६१ १९,२१८ ८९.५५
एमसीव्हीसी ७,७३७ ६,२३१ ८०.५४
एकूण १,६४,६२७ १,४४,१७० ८७.५७
जिल्हानिहाय उत्तीर्णांची टक्केवारी
जिल्हा निकाल टक्केवारी
भंडारा ८८.७३ %
चंद्रपूर ८६.८२ %
नागपूर ८९.७२ %
वर्धा ८२.६८ %
गडचिरोली ८०.९८ %
गोंदिया ८९.३६ %
