गोंदिया, दि.२८ः-पक्ष पदाधिकारी व कार्यकर्त्यांनी सर्वसामान्य नागरिक तसेच शेतकर्यांच्या समस्यांकडे लक्ष पुरवावे. याशिवाय पक्ष संघटना मजबूत करण्यासाठी कार्य करावे, असे आवाहन जिल्हा राष्ट्रवादी काँग्रेस पक्षाच्या वतीने आयोजित सभेत माजी आमदार राजेंद्र जैन यांनी केले.
स्थानिक रेलटोली येथील पक्षाच्या कार्यालयात जिल्हा बैठक पार पडली. या बैठकीत नवीन जिल्हाध्यक्ष म्हणून पंचम बिसेन यांच्याकडे पदभार सोपविण्यात आला. सभेला मार्गदर्शन करताना माजी आ. जैन यांनी पक्ष संघटनेला महत्व देत कार्यकर्ते व पदाधिकार्यांनी कार्य करावे, असे निर्देश दिले. या सभेत माजी जिल्हाध्यक्ष विनोद हरिणखेडे तसेच नवनियुक्त जिल्हाध्यक्ष पंचम बिसेन यांनीही मार्गदर्शन केले.
यावेळी माजी आमदार दिलीप बन्सोड, विजय शिवणकर, नरेश माहेश्वरी, राजलक्ष्मी तुरकर, गंगाधर परशुरामकर, मनोहर चंद्रिकापुरे, किशोर तरोणे, रमेश ताराम, केतन तुरकर, कुंदन कटारे, बालकृष्ण पटले, डॉ. अविनाश काशिवार, कमलबापू बहेकार, लोकपाल गहाणे, तुकाराम बोहळे, मनोज डोंगरे, गणेश बर्डे यांनीही विचार व्यक्त केले. या सभेत मोठ्या संख्येने पक्षाचे पदाधिकारी व कार्यकर्ते उपस्थित होते. सभेचे संचालन रवी मुंदडा तर आभार अशोक शहारे यांनी मानले.
