मुख्य बातम्या:
दुष्काळमुक्तीसाठी नागरिकांना जागृत करणार्या अधिकार्याचा सत्कार;वॉटर कप स्पर्धेत झरंडी प्रथम# #युवा भोयर-पवार मंच वार्षिक महोत्सव उत्साहात# #अंबाझरी टी पॉइंटजवळ भीषण अपघात, दुचाकीवरच्या तिघींचा मृत्यू# #विभागीय आयुक्त अनुपकुमार यांची बदली# #गोवारी समाजाला ST आरक्षण मिळणार; नागपूर खंडपीठाचा ऐतिहासिक निकाल# #राज्यात ६१५ नक्षल्यांचे आत्मसमर्पण# #प्रधानमंत्र्याच्या प्रतिकात्मक पुतळ्याचे दहन,राज्यघटना जाळल्याचा निषेध# #जुनी पेन्शन हक्क संघटन बनतय डीसीपीएस धारक कुटुंबीयांचा आधार# #सिमावर्ती प्रश्नाबाबत लवकरच खा.चव्हाण यांना आराखडा सादर करणार# #दुर्गामंदीर चप्राड (पहाडी) येथे दरोडा

बी.एस.एन.एल. कार्यालय तांत्रिकाच्या भरवशावर

गोरेगाव,दि.22 : येथील बीएसएनएल कार्यालयात प्रभारी कनिष्ठ अभियंता निकेश कनोजे महिन्यातून केवळ एकदाच येतात. त्यामुळे तांत्रिक दिलीपकुमार पारधी व मजुरांच्या भरवशावर मुख्य कार्यालय व उपशाखा चोपा, बबई, सोनी व मुंडीपार, पालेवाडा, बबई, सोनी, तुमखेडा, कवलेवाडाच्या मोबाईल टॉवरची देखरेख करावी लागत आहे.
सूत्रांनी दिलेल्या माहितीनुसार, बीएसएनएल विभागाव्दारे १५० लँडलाईन टेलीफोन, ७५ नेटब्रॉड गेज, पाच लिंक लाईन यात महाराष्ट्र बँक, रजिस्टर कार्यालय, को-आॅपरेटिव्ह बँक, भंडारा को-आॅपरेटिव्ह बँक, सेतू विभागाची कामे या विभागाव्दारे चालतात.
त्याकरिता एक कनिष्ठ अभियंता कनोजे यांना प्रभार देण्यात आला. तांत्रिक कामे पाहण्यासाठी दिलीपकुमार पारधी, चौकीदार व कुऱ्हाडी येथे एका तांत्रिकाची नियुक्ती करण्यात आली आहे.
परंतु कनिष्ठ अभियंता कनोजे हे कार्यालयात महिन्यातून एकदाच येत असल्याने ग्राहकांना मोठा त्रास सहन करावा लागत आहे. तालुक्यातील बीएसएनएल सेवा १० दिवसांपासून बंद पडली होती. यामुळे बँका, सेतू कार्यालयात सेवा विस्कळीत होती. तांत्रिक कर्मचाऱ्यांनी २० जुलै रोजी दुरु स्ती केल्याने पुन्हा कार्यालय, बँक, सेतूची कामे सुरु झाल्याची माहिती तांत्रिक कर्मचारी पारधी यांनी दिली.
बँक व सेतू कार्यालय या महत्वाच्या ठिकाणी लिंक नसल्यास ग्राहक, नागरिक व विद्यार्थ्यांना फटका बसतो. यावर कायमचा तोडगा काढण्यासाठी नियमित कर्मचाऱ्यांची नियुक्ती करावी, अशी मागणी नागरिकांनी केली आहे.या संदर्भात प्रतिक्रिया घेण्यासाठी कनिष्ठ अभियंता कनोजे यांच्या भ्रमणध्वनीवर संपर्क साधला असता, त्यांनी मोबाईलवर रिंग जावूनसुद्धा प्रतिसाद दिला नाही. या प्रकारावरून बीएसएनएल विभागाच्या कामाची पावती ग्राहकांना मिळत आहे. मात्र यात नागरिकांची फसगत होत आहे.

Share