Top News गोंदियातील चार तरुण गांगुलपारा जलाशयात बुडाले, तिघांचे मृतदेह ताब्यात August 19, 2018 0 9 FacebookTwitterPinterestWhatsAppTelegram गोंदिया,दि.19 – शेजारील मध्यप्रदेश राज्याच्या बालाघाट जिल्ह्यातील बालाघाट-बैहर राज्यमार्गावर असलेल्या निसर्गरम्य इकोटुरिझम गांगुलपारा येथील जलाशयात गोंदियातील चार तरुणांचा बुडून मृत्यू झाल्याची घटना आज रविवारला उघडकीस आली आहे.त्या चौघांपैकी तिघांचे मृतदेह पोलीसांना मिळाले असून हे मृतदेह घटनास्थळापासून दोन किलोमीटर अंतरावर आढळून आले आहेत.तर चौथ्या तरुणाचा शोध अद्यापही लागलेला नाही.यामध्ये मृतकमध्ये गोलू राठौर(२३), दुर्गेश भूसे (२३), विल्सन विजय मदारे (१९) यांचा समावेश आहे. गोंदिया शहरानजीकच्या कटंगी येथील चार तरुण पिकनिकसाठी गांगुलपारा निसर्गरम्य परिसरात असलेल्या जलाशयावर शनिवारला आले होते.परंतु रात्र होऊनही ते घरी न परतल्याने त्यांचा शोध घेण्यासाठी कुटुबिंय गांगुलपारा येथे गेले असता घटनास्थळावर मोटारसायकल आढळली मात्र तरुणांचा कुठेही पत्ता नव्हता.लगेच तरुणांच्या कुटूबिंयाना भरवेली पोलीसांनी माहिती देत तपास कार्य सुरु केले असता तिन युवकांचे मृतदेह हे गांगुलपारा झर्यापासून दोन किलोमीटर अंतरावर आढळून आले.शनिवारला या परिसरात जोरदार पाऊस झाल्याने झर्याचा प्रवाह अधिक होता त्यावेळी हे अंगोळीसाठी उतरले असावे व त्यांचा तोल सूटल्याने वाहत गेले असावे असा अंदाज वर्तविण्यात येत आहे.चौथ्या युवकाचा शोध घेणे सुरु आहे.
