महावितरणची नवीन वीजजोडणी,नावांतील बदल ऑनलाईनद्वारेच

0
13

गोंदिया,दि. २८:-राज्याच्या शहरी भागात नवीन वीजजोडणी व ग्राहकांच्या नावातील बदलाचे अर्ज दि. १ नोव्हेंबर  २०१८ पासून  केवळ ऑनलाईनद्वारेच  स्वीकारण्याचा  निर्णयमहावितरणने घेतला आहे. याबाबतचे आदेश महावितरणचे अध्यक्ष व व्यवस्थापकीय संचालक  संजीव कुमार  यांनी दिले  असून तसे परिपत्रकही  जारी करण्यात  आले  आहे..नवीन वीजजोडणी व नावातील बदल करणे यात पारदर्शकता आणण्यासाठी तसेच जोडणीच्या संपूर्ण प्रक्रियेची सद्यस्थिती ग्राहकांना कळावी यासाठी महावितरणने ही प्रक्रियाऑनलाईन केली आहे. महावितरणच्या शहरी भागातील कोणत्याही कार्यालयात नवीन वीजजोडणी व नावातील बदल करण्याचे अर्ज ऑफलाईन स्वीकारले जाणार नाही.महावितरणचे मोबाईल ॲप व संकेतस्थळ www.mahadiscom.in  याद्वारे ऑनलाईन अर्ज करण्याची सुविधा ग्राहकांना उपलब्ध करून दिली आहे. या सेवेचा ग्राहकांनी लाभघ्यावा असे आवाहन महावितरणने केले आहे.