महावितरणच्या आंतरपरिमंडल नाट्यस्पर्धा
गोंदिया,दि.५:-महावितरणच्या प्रादेशिक स्तरावरील आंतरपरिमंडळीय दोन दिवसीय नाट्यस्पर्धेत गोंदिया परिमंडळातर्फे सादर करण्यात आलेल्या ‘चारचौघीङ्क या नाटकातील उत्कृष्ठ़ अभिनयाकरिता सौ. संध्या किरोलीकर यांना प्रथम पारितोषिक देउन गौरविण्यात आले, अकोला परिमंडळातर्फ़े सादर करण्यात आलेल्या ‘बाबा, मी तुमचीच मुलगी आहेङ्क या नाट्यप्रयोगाने प्रथम क्रमांक पटकाविला तर अमरावती परिमंडळातर्फ़े सादर करण्यात आलेल्या ‘ती रात्रङ्क हे नाटक उपविजेते ठरले. राज्याचे ऊर्जा, नवीन व नवीकरणीय ऊर्जामंत्री तथा नागपूर जिल्ह्याचे पालकमंत्री चंद्रशेखर बावनकुळे यांच्या शुभहस्ते स्पर्धेतील वीजेत्यांना पारितोषिके प्रदान करण्यात आली.
वीज वितरण क्षेत्रात आपल्याला २४ तास काम करावे लागते अश्यावेळी अधिकारी-कर्मचारी यांच्यातील सुप्त कलागुणांना वाव देण्यासाठी मधल्या काळात बंद झालेल्या नाटय आणि क्रीडा स्पर्धा पुन्हा सुरु करण्यात आल्या आहेत. महावितरणच्या नाटय स्पर्धा राज्य नाटय स्पर्धेच्या तोडीच्या असून येत्या काळात महावितरणच्या चमू राज्य नाटय स्पर्धेत आपला सहभाग नोंदवतील यासाठी आपण प्रयत्न करू अशी ग्वाही ऊर्जामंत्र्यांनी यावेळी दिली.
ऊर्जामंत्र्यांनी केले महावितरणचे कौतूक
महावितरणच्या अधिकारी आणि कर्मचा-यांनी केलेल्या कठोर मेहनतीच्या बळावर महाराष्ट्राने आज ऊर्जा क्षेत्रात देशपातळीवर अव्वल स्थान मिळविले असून, येणाऱ्या काळात आपणास १०० टक्के हरित ऊर्जेचा वापर करावयचा आहे. सौर ऊर्जेत राज्याने आघाडी घेतली असून आहे, येणा-या काळात राज्यातील सर्व कृषी वाहिन्या सौरऊर्जेवर कार्यान्वित करण्यात येणार असून त्या दृष्टीने योग्य पावले उचलली जात असल्याचे सांगून ते पुढे म्हणाले की, वर्ष २०३० पर्यंत देशातील सर्व वाहने बँटरीवर येणार असून यासाठी मोठ्या प्रमाणात चार्जिंग केंद्रांची गरज भासणार आहे. यासाठी महावितरण कर्मचाऱ्यांनी तयार राहण्याचे आवाहनही त्यांनी केले. राज्यात कृषी पंप,सार्वजनिक पाणी पुरवठा योजना, पथदिवे यांची थकबाकी मोठ्या प्रमाणात असतांनाही वीज नियामक आयोगाच्या निर्देशानुसार महावितरणने वितरण हानी १५ टक्क्यांच्या आत आणली आहे ही कौतुकास्पद बाब असल्याचे चंद्रशेखर बावनकुळे यांनी आवर्जून सांगितले.
नागपूर येथील कविवर्य सुरेश भट सभागृहात दोन दिवस चाललेल्या या नाट्यस्पर्धेत गोंदीया परिमंडलातर्फ़े प्रशांत दळवी लिखित ‘चारचौघीङ्क, चंद्रपूर परिमंडळातर्फ़े अशोक बुरबुरे लिखित ‘आग्टंङ्क, अमरावती परिमंडलातर्फ़े हेमंत ऎदलाबादकर लिखित ‘ती रात्रङ्क, , अकोला परिमंडळातर्फ़े चंद्रकांत शिंदे लिखित ‘बाबा मी तुमचीच मुलगी आहेङ्क तर, नागपूर परिमंडळातर्फ़े दिपेश सावंत लोखित ‘ओय लेलेङ्क या नाट्यप्रयोगांचे सादरीकरण करण्यात आले. या स्पर्धेतील विजेत्यांना बक्षिस वितरण प्रसंगी व्यासपीठावर महावितरणचे कार्यकारी संचालक (मानव संसाधन) चंद्रशेखर येरमे, नागपूर परिक्षेत्राचे प्रादेशिक संचालक भालचंद्र खंडाईत, नाट्यस्पर्धेचे कार्याध्यक्ष तथा नागपूर परिमंडलाचे मुख्य अभियंता दिलीप घुगल, गोंदीया परिमंडळाचे मुख्य अभियंता सुखदेव शेरेकर, अकोला परिमंडळाचे मुख्य अभियंता डॉ. मुरहरी केळे, गुणवत्ता नियंत्रण विभागाचे मुख्य अभियंता सुहास रंगारी, चंद्रपूर परिमंडळाचे मुख्य अभियंता अरविंद भादीकर, अमरावती परिमंडळाच्या मुख्य अभियंता सुचित्रा गुजर, सल्लागार (ग्राहक व्यवहार) गौरी चंद्रायण, जिल्हा विद्युत नियंत्रण समितीचे अध्यक्ष प्रा.गिरीश देशमुख, नाट्य परिक्षक कल्पना गडेकर-पांडे, पराग लुले, देवेंद्र बोंद्रे आदी मान्यवर उपस्थित होते. कार्यक्रमाचे संचालन किशोर गलांडे यांनी तर आभार प्रदर्शन उपमुख्य औद्योगिक संबंध अधिकारी मधुसुदन मराठे यांनी केले.
