मुख्य बातम्या:
राष्ट्रवादी काँग्रेसने खड्यात बेशमरची झाडे लावून केले आंदोलन# #आ.अग्रवालांनी कर्जमाफीच्या ऐतिहासिक निर्णयाचे केले कौतुक# #कन्हैयाकुमार, प्रकाश राज रविवारी नागपुरात# #शुक्रवारपासून गडचिरोलीत कृषी व गोंडवन महोत्सव# #अकोल्यात जीर्ण इमारत कोसळल्याने एकाचा मृत्यू# #अमरावती विद्यापीठाचा दीक्षांत समारंभ गुरुवारला# #नक्षल्यांनी पेरून ठेवलेले विस्फोटक पोलिसांनी केले जप्त# #"प्रविण कोचे उत्कृष्ठ पोलीस पाटील पुरस्काराने सम्मानीत"# #अवैध रेतीवाहतूकीवर आळा घालण्यासाठी जिल्हास्तरीय समितीची बैठक# #परिवर्तन स्पेशल स्कूल (पीओ आरडीएसी)  सफदरजंग एन्क्लेव में बच्चों की स्पर्धा

अस्वलाचा विहिरीत पडून मृत्यू

पवनी,दि.06ः-उमरेड-पवनी-कर्‍हांडला अभयारण्यालगत असलेल्या कोटलपार गावशिवारातील विहिरीत पडून एका अस्वलाचा मृत्यू झाला. ही घटना आज, बुधवारी दुपारी ४ च्या सुमारास उघडकीस आली.
कोटलपार हे गाव प्रादेशिक वन विभागात येत असून सुमारे दोन किलोमीटर अंतरावर उमरेड-पवनी-कर्‍हांडला अभयारण्य लागतो. या अभयारण्यातील राणाई बिटातून हे अस्वल कोटलपार गावाच्या दिशेने आले असावे असा अंदाज आहे. गावातील सत्यभामा भागवत यांच्या शेतातील विहिरीत हे अस्वल पडले. शेतातील विहिर ही जमिनीला समांतर असून विना कठड्यांची आहे. ही घटना दोन दिवसांपुर्वीच्या रात्रीला घडली असावी. विहिरीत भरपूर पाणी असून लोखंडी कळ्या नसल्यामुळे अस्वलाला बाहेर पडता आले नसल्याने त्याचा मृत्यू झाला.
आज शेतशिवाराजवळ दुर्गंधी येत असल्यामुळे गावातील काहींनी विहिरीजवळ जाऊन बघितले तेव्हा ही घटना उघडकीस आली. गावकर्‍यांनी ही माहिती वन्यजीव विभागाचे वनपरिक्षेत्र अधिकारी शेंडे यांना दिली. वन विभागाचे पथक व मैत्र संस्थेचे पदाधिकारी घटनास्थळी दाखल झाले. त्यांनी अस्वलाला विहिरीतून बाहेर काढून वाही डेपो येथे आणले.

Share