गोंदिया,दि.09 : पोलीओ रोगाचे समूळ उच्चाटन करण्यासाठी पोलिओ लसीकरण मोहीम १० मार्चला राबविण्यात येणार आहे. जिल्ह्यातील पाच वर्षाखालील १ लाख ४ हजार ३८८ बालकांना पोलिओचा डोज देण्यात येणार असल्याची माहिती जिल्हा आरोग्य अधिकारी डाॅ.श्याम निमगडे यांनी दिली आहे.जिल्ह्यात ५३ मोबाईल चमू पोलिओ लसीकरणचे काम करणार आहेत. यातील ग्रामीण भागात ८४ तर शहरी भागात १८० चमू राहणार आहेत.ज्या ठिकाणी तूरळक लाभार्थी आहेत त्या ठिकाणसाठी मोबाईल चमूचे आयोजन करण्यात आले आहे. ० ते ५ वर्षाखालील सर्व बालकांना पोलीओ डोज देण्याचे आवाहन जिल्हाधिकारी डॉ.कादंबरी बलकवडे, मुकाअ डॉ. राजा दयानिधी, जिल्हा आरोग्य अधिकारी डॉ. शाम निमगडे, जिल्हा शल्यचिकीत्सक डॉ. अमरीश मोहबे यांनी केले आहे.
ग्रामीण विभागात २ हजार ८५३ तर शहरी भागात ३२८ आहेत.२८२ पर्यवेक्षकांपैकी २५५ पर्यवेक्षक ग्रामीण भागात तर २७ पर्यवेक्षक शहरी भागात राहणार आहेत.जिल्ह्यातील २ लाख ९३ हजार ५७४ घरांना आरोग्य कर्मचारी भेटी देणार आहेत. पोलीओ डोजपासून एकही बालक सुटू नये यासाठी घरभेटी दिल्या जाणार आहेत. त्यात ग्रामीण भागातील २ लाख ५३ हजार ३५९ व शहरी भागातील ४१ हजार २१५ घरांना भेटी देण्यात येतील. या मोहीमेत एकूण ८४३ चमू काम करणार असून त्यापैकी ७७८ चमू ग्रामीण भागात तर ६५ चमू शहरी भागात काम करणार आहेत. टीम एक्स डे नुसार २ हजार ३९६ चमू काम करणार आहेत. त्यात ग्रामीण भागात २ हजार ९२ तर शहरी भागात ३०४ चमू राहणार आहेत.
