जळगांव जामोद,दि.04ः- तालुक्यातील पळशी सुपो हे महत्वाचे गाव धार्मिक स्थळ म्हणून प्रसिद्ध आहे.या गावातील पाच (05) लोकांनी पाणी फोउंडेशनचे प्रशिक्षण घेतले आणि गावात येऊन स्पर्धेच्या पहिल्या दिवसापासून कामाला सुरुवात केली.गावात काहीच सहभाग मिळत नव्हता पण या लोकांनी मागे वळून न बघताआपले काम सतत चालूच ठेवले.आज ना उद्या कुणीतरी श्रमदान करायला येईल.पण त्यांची निराशा झाली आणि त्यांनी एके दिवस ठरवले की आता नारळ फोडून काम बंद करूया. आणि तसे त्यांनी गावातील लोकांना दाखवण्यासाठी केले.पण स्वतः मात्र काम सुरू ठेवले.त्यातच योगायोग म्हणजे गेल्या आठवड्यात “स्नेहालय” मार्फत ईश्वर चिठ्ठी द्वारे निवड झाली आणि गावात पुन्हा नवचैतन्य आले.लोकांचा सहभाग वाढला आहे.त्यातच गावात “अभिजित संतोष राठी”* या मुलाचे लग्न होते. त्यांनी ठरवले की आपले सुद्धा या पाण्याच्या कामासाठी काहीतरी योगदान हवे.फुल ना फुलांची पाकळी म्हणून त्यांच्या लग्नात जो आहेर येईल त्याचा पूर्ण पैसा हा पाणी वॉटर कप मध्ये जे मशीन काम करीत आहे,त्या मशीनला लागणाऱ्या डिझेलसाठी देण्याचे ठरवले. आणि तब्बल 15000 रुपये त्यांनी पाणी फोउंडेशनच्या प्रशिक्षणार्थीकडे सुपूर्द केले.गावातील लोकामध्येच नव्हे तर पाणी फाऊंडेशनच्या कार्यकर्त्यामध्ये सुध्दा नवचैतन्य आले आहे.
