मुख्य बातम्या:
कीटकनाशक प्राशन करून 2 शेतकर्यांच्या मृत्यू# #१0 वर्षांपासून अनुकंपाधारका नोकरीच्या प्रतीक्षेत,जि.प.अध्यक्षांना निवेदन# #ग्रामपंचायतमध्ये स्वीकृत सदस्य निवडण्याची गरज - बालू चुन्ने# #राष्ट्रवादी काँग्रेस व काँग्रेसच बहुजनांचे हित जोपासणारी-चंद्रिकापुरे# #माजी पस सभापती छगनलाल पटले यांचे निधन# #हनुमंत अ‍ॅग्रो कंपनीची १.८५ कोेटींनी फसवणूक# #न्यू चैम्पियन कराटे क्लबच्या विद्यार्थीची जिल्हास्तरीय स्पर्धेसाठी निवड# #एक शाम देश कें नाम हर्षोल्लास के साथ# #साक्षी पुरावे देऊनही देवरी पोलिसांची कारवाई शून्य# #महाजनादेश यात्रेत ओबीसी आरक्षण पुर्ववत करण्याची मुख्यमंत्र्यांची घोषणा हवेतच विरली

सैनिकांच्या पाल्यांकरिता अहमदनगर येथे सैन्य भरती

वाशिम, दि. ०४ : अहमदनगर येथील मेक्नाई मेक्नाइज्ड इन्फंट्री रेजिमेंट सेंटर येथे केवळ आजी, माजी सैनिक व विधवा यांच्या पाल्यांकरिता आणि प्राविण्यप्राप्त खेळाडू यांच्यासाठी २७ मे २०१९ पासून सोल्जर जी डी, सोल्जर क्लार्क/एस.के.टी. आणि सोल्जर ट्रेडस्मन पदांकरिता सैन्य भरती मेळावा आयोजित करण्यात आला आहे. इच्छुक उमेदवारांनी अहमदनगर येथील मेक्नाई मेक्नाइज्ड इन्फंट्री रेजिमेंट सेंटर येथील हरीपाल स्टेडियम येथे २७ मे २०१९ रोजी सायंकाळी ६ वाजतापुर्वी आवश्यक कागदपत्रांसह उपस्थित रहावे. रिलेशनशिप प्रमाणपत्र सोबत आणणे आवश्यक आहे, असे वाशिम जिल्हा सैनिक कल्याण अधिकारी यांनी कळविले आहे.

सोल्जर जी डी पदासाठी ४५ टक्के गुणांसह १० वी पास असणे आवश्यक आहे. उच्च शिक्षित असलेल्यांना ४५ टक्केची अट लागू नाही. सोल्जर क्लार्क/एस.के.टी. पदासाठी ६० टक्के गुणांसहित १२ वी पास आणि प्रत्येक विषयात ५० टक्के गुण असणे आवश्यक आहे. सोल्जर ट्रेडस्मन पदासाठी केवळ ८ वी किंवा १० वी पास असणे आवश्यक आहे.

सोल्जर जी डी पदासाठी साडेसतरा ते एकवीस वर्ष, सोल्जर क्लार्क/एस.के.टी. पदासाठी साडे सतरा ते तेवीस वर्ष आणि सोल्जर ट्रेडस्मन पदासाठी साडे सतरा ते तेवीस वर्ष वयोमर्यादा आहे. तरी वाशिम जिल्ह्यातील पात्र इच्छुक उमेदवारांनी या सैन्य भरतीचा लाभ घ्यावा. अधिक माहितीसाठी वाशिम जिल्हा सैनिक कल्याण कार्यालय येथे संपर्क साधावा, असे वाशिम जिल्हा सैनिक कल्याण अधिकारी यांनी कळविले आहे.

Share