समाजकल्याणच्या इमारतीवरून पडून विद्यार्थीनी गंभीर

0
17
आत्महत्येचा प्रयत्न की अजून काही, पोलिसांचा तपास
गोंदिया,दि.६ : ज्या विद्यार्थ्यांची आर्थिक परिस्थिती कमजोर आहे, जे महाग पुस्तके खरेदी करू शकत नाही, अशांकरिता जिल्हाधिकारी कार्यालयाच्या मागच्या परिसरात असलेल्या समाजकल्याण विभागाच्या इमारतीच्या पहिल्या माळ्यावर ग्रंथालय तयार करण्यात आले आहे. या ग्रंथालयात दररोज ४ ते ५०० विद्यार्थी आभ्यास करण्याकरिता येतात. आज(ता.६) सकाळी आठ वाजताच्या सुमारास सर्व विद्यार्थी अभ्यासात मग्न असताना इमारतीवरून काहीतरी पडल्याचा आवाज झाला. बघण्याकरिता अभ्यास करत असलेले विद्यार्था छतावर गेले असता इमारतीच्या मागच्या बाजूला रक्त बंबाळ अवस्थेत एक विद्यार्थिनी बेशुद्धावस्थेत पडून असल्याचे दिसून आले. याची माहिती सुरक्षा रक्षकांना देण्यात आली. तसेच पर्यवेक्षक श्रीमती तिडके यांना देण्यात आली. जखमी अवस्थेत असलेल्या विद्यार्थिनीचे नाव सरोज शंकरलाल बघेले(१६ रा. फुलचूर) असल्याची माहिती मिळाली. तिला उपचाराकरिता रुग्णालयात दाखल केले असून तिची प्रकृती चिंताजनक असल्याची माहिती आहे. जखमी विद्यार्थिनी वर्षभरापासून जिल्हा ग्रंथालयाच्या अभ्यासिकेत जात आहे. आज ती सकाळी ७ वाजता घरून निघाली होती. ती कसल्याही मानसीक तणावाखाली नव्हती असे, सरोजच्या आईने सांगीतले.
अवयव दान करण्याचे आवाहन
गंभीररित्या जखमी असलेल्या विद्यार्थिनीच्या हातावर डोनेट माय बॉडी ऑर्गन्स अर्थात मरणोपरांत माझे अवयव दान करा, असे लिहिले आहे. त्यामुळे तिने तणावातून आत्महत्या करण्याचा प्रयत्न केला असावा असा प्राथमिकरित्या अंदाज बांधण्यात येत आहे. तिच्या हातावर लिहून तिला खाली ढकलले असावे, अशीही चर्चा आहे.