मुख्य बातम्या:
कीटकनाशक प्राशन करून 2 शेतकर्यांच्या मृत्यू# #१0 वर्षांपासून अनुकंपाधारका नोकरीच्या प्रतीक्षेत,जि.प.अध्यक्षांना निवेदन# #ग्रामपंचायतमध्ये स्वीकृत सदस्य निवडण्याची गरज - बालू चुन्ने# #राष्ट्रवादी काँग्रेस व काँग्रेसच बहुजनांचे हित जोपासणारी-चंद्रिकापुरे# #माजी पस सभापती छगनलाल पटले यांचे निधन# #हनुमंत अ‍ॅग्रो कंपनीची १.८५ कोेटींनी फसवणूक# #न्यू चैम्पियन कराटे क्लबच्या विद्यार्थीची जिल्हास्तरीय स्पर्धेसाठी निवड# #एक शाम देश कें नाम हर्षोल्लास के साथ# #साक्षी पुरावे देऊनही देवरी पोलिसांची कारवाई शून्य# #महाजनादेश यात्रेत ओबीसी आरक्षण पुर्ववत करण्याची मुख्यमंत्र्यांची घोषणा हवेतच विरली

वृक्ष लागवडीसाठी खड्डे खोदण्याची कार्यवाही गतिमान करा- जिल्हाधिकारी हृषीकेश मोडक

वाशिम, दि. १8 : जिल्ह्यातील सर्व शासकीय विभागांना ३३ कोटी वृक्ष लागवड मोहिमेंतर्गत वृक्ष लागवडीचे उदिष्ट ठरवून देण्यात आले आहे. त्यासाठी आवश्यक खड्डे खोदण्याची कार्यवाही गतिमान करून सर्व विभागांनी २५ मे पर्यंत खड्डे खोदण्याचे काम पूर्ण करावे, अशा सूचना जिल्हाधिकारी हृषीकेश मोडक यांनी आज वाकाटक सभागृहात झालेल्या आढावा बैठकीत दिल्या.

यावेळी उपवनसंरक्षक सुमंत सोळंके, निवासी उपजिल्हाधिकारी शैलेश हिंगे, सार्वजनिक बांधकाम विभागाचे कार्यकारी अभियंता सुनील कळमकर, जिल्हा अधीक्षक कृषि अधिकारी दत्तात्रय गावसाने, लघुपाटबंधारे विभागाचे कार्यकारी अभियंता शिवाजी जाधव, प्रशांत बोरसे, श्री. चौधरी, ग्रामीण पाणीपुरवठा विभागाचे कार्यकारी अभियंता निलेश राठोड, जिल्हा कौशल्य विकास व मार्गदर्शन केंद्राच्या सहाय्यक संचालक सुनंदा बजाज,  प्रभारी सहाय्यक वनसंरक्षक एस. आर. नांदुरकर यांच्यासह विविध विभागांचे अधिकारी उपस्थित होते.

श्री. मोडक म्हणाले की, सर्व विभागांना वृक्ष लागवडीच्या अनुषंगाने केलेले नियोजन व ज्या ठिकाणी वृक्ष लागवड करण्यात येणार आहे, याबाबतची माहिती २० मे पर्यंत ऑनलाईन अपलोड करणे आवश्यक आहे. सर्व विभागांनी या कामाला गती देवून पुढील दोन दिवसांत वृक्ष लागवड करण्यात येणाऱ्या प्रत्यक्ष ठिकाणांची माहिती अपलोड करावी. तसेच त्याठिकाणी खड्डे खोदण्याची कार्यवाही २५ मे पर्यंत पूर्ण करून त्याबाबतची माहिती सुध्दा तत्काळ अपलोड करावी, असे त्यांनी सांगितले.

Share