नवनीत राणा यांचा ऐतिहासिक विजय

अमरावती,दि.24: लोकसभा मतदारसंघात माजी केंद्रीय अर्थराज्यमंत्री तथा शिवसेनेकडून चारवेळा खासदार असलेल्या आनंदराव अडसूळ यांचा पराभव काँग्रेस-राष्ट्रवादी आघाडीच्या उमेदवार व युवा स्वाभिमानी पक्षाच्या नेत्या नवनीत कौर राणा यांनी करीत एैतिहासिक विजय मिळविला आहे.काँग्रेस, राष्ट्रवादी, रिपाइं (गवई गट) हे आपल्या पाठीशी खंबीरपणे उभे राहिले.तसे प्रकाश आंबेडकर यांचा आशीर्वाद मिळाल्यामुळेच हा विजय मिळविता आला.यात युवा स्वाभीमान पार्टीचे गावखेड्यात असलेले जाळे,कार्यकर्ते व पदाधिकारी तसेच आघाडीचे सर्व प्रमुख नेते व कार्यकर्ते यांनी रात्रदिवंस घेतलेल्या परिश्रमामुळेच हा विजय मिळाल्याची प्रतिक्रिया नवनिर्वाचित खासदार नवनित रवी राणा यांनी दिली आहे.
अनुसूचित जातीसाठी राखीव असलेल्या अमरावती लोकसभा मतदार संघातून विद्यमान खासदार आनंदराव अडसूळ यांच्या विरोधात नवनीत कौर राणा यांना उमेदवारी देण्यात आली. निवडणूक निकालांचे कल हाती आल्यानंतर नवनीत राणा 36 हजार 951 मतांनी आघाडी घेत विज मिळविला आहे. नवनीत राणा यांना 5 लाख 10 हजार 947 तर आनंदराव अडसूळ यांना4 लाख 73 हजार 996 मते  मिळाली आहेत. २०१४ मध्ये नवनीत राणा यांनी आनंदराव अडसुळांना चांगलीच टक्कर दिली होती. मात्र त्यांना पराभवाला सामोरे जावे लागले होते.