मुख्य बातम्या:
ईव्हीएममुळे लोकशाही धोक्यात# #मंत्र्यांचे खातेवाटप जाहीर, वाचा कुणाला मिळाले कोणते खात# #विधिमंडळाचे पावसाळी अधिवेशन आजपासून २८ विधेयके मांडणार# #ट्रक-कारच्या धडकेत चार शिक्षक जखमी;बदली आदेश घेऊन जाताना अपघात# #रापम अधिकाऱ्यांच्या बचावासाठी तक्रारी गहाळ केल्या -नरेश जैन# #संघटनेशिवाय सामाजिक लढा अशक्य:- मनोहर चंद्रिकापुरे# #ग्राम विकास मंत्रालय व जिल्हा परिषद गोंदिया ने केली शिक्षकांची दिशाभूल# #मुख्याधिकाऱ्यास मारहाणप्रकरणी दोन माजी नगरसेवकांना ५ वर्षांचा सश्रम कारावास# #विजय वड्डेटीवर विधानसभेचे नवे विरोधी पक्षनेते, विरोधकांत एकमत# #मंत्रिमंडळ विस्ताराला सुरुवात; पहिल्या शपथेचा मान आयात नेत्यांना

भारतीय सैन्यात महिला सैनिक पोलीस भरती

वाशिम, दि. २४ : भारतीय सैन्यात प्रथमच महिला सैनिक पोलीस भरतीची संधी उपलब्ध झाली आहे. अंबाला, लखनौ, जबलपूर, बेंगलोर आणि शिलॉंग येथे या भरतीचे आयोजन केले जाणार आहे. याकरिता www.joinindianarmy.com या संकेस्थळावर ८ जून २०१९ पर्यंत ऑनलाईन अर्ज भाराने आवश्यक आहे. ऑनलाईन रजिस्ट्रेशन केलेल्या महिला उमेदवारांना त्यांच्या ई-मेल आयडीवर प्रवेशपत्र पाठविले जाईल. प्रवेशपत्रामध्ये भरतीची तारीख, वेळ आणि ठिकाण कळविण्यात येईल, असे जिल्हा सैनिक कल्याण अधिकारी यांनी कळविले आहे.

सैन्य भरतीमध्ये सोल्जर जी. डी. (जनरल ड्युटी) महिला सैनिक पोलीस या पदासाठी साडे सतरा ते एकवीस वर्षे वयोगटातील म्हणजेच १ ऑक्टोंबर १९९८ ते १ एप्रिल २००२ या कालवधीत जन्मलेल्या उमेदवार पात्र असतील. उंची किमान १४२ से.मी. असावी. तसेच ४५ टक्के गुणांसह इयत्ता १० वी उत्तीर्ण व प्रत्येक विषयात किमान ३३ टक्के गुण असणे आवश्यक आहे. सैन्य सेवेत असतांना मरण पावलेल्या सैनिकांच्या विधवा पत्नींना भरतीसाठी कमाल वयोमर्यादा ३० वर्षे राहील. भरती वेळी महिला उमेदवार अविवाहित असणे आवश्यक आहे, परंतु सैन्य सेवेत असतांना मरण पावलेल्या सैनिकांच्या विधवा पत्नींना ही अट लागू नाही. भरती प्रक्रिया ऑनलाईन पद्धतीने असल्याने सर्व इच्छुक उमेदवारांनी ऑनलाईन रजिस्ट्रेशन करून घेणे आवश्यक आहे. अधिक माहितीकरिता www.joinindianarmy.com या संकेतस्थळाचा वापर करावा किंवा ०११-२६१७३८४० या दूरध्वनी क्रमांकावर संपर्क साधावा, असे आवाहन वाशिमचे सैनिक कल्याण अधिकारी यांनी केले आहे.

Share