मुख्य बातम्या:
कीटकनाशक प्राशन करून 2 शेतकर्यांच्या मृत्यू# #१0 वर्षांपासून अनुकंपाधारका नोकरीच्या प्रतीक्षेत,जि.प.अध्यक्षांना निवेदन# #ग्रामपंचायतमध्ये स्वीकृत सदस्य निवडण्याची गरज - बालू चुन्ने# #राष्ट्रवादी काँग्रेस व काँग्रेसच बहुजनांचे हित जोपासणारी-चंद्रिकापुरे# #माजी पस सभापती छगनलाल पटले यांचे निधन# #हनुमंत अ‍ॅग्रो कंपनीची १.८५ कोेटींनी फसवणूक# #न्यू चैम्पियन कराटे क्लबच्या विद्यार्थीची जिल्हास्तरीय स्पर्धेसाठी निवड# #एक शाम देश कें नाम हर्षोल्लास के साथ# #साक्षी पुरावे देऊनही देवरी पोलिसांची कारवाई शून्य# #महाजनादेश यात्रेत ओबीसी आरक्षण पुर्ववत करण्याची मुख्यमंत्र्यांची घोषणा हवेतच विरली

झारखंडमध्ये नक्षल्यांकडून आयईडी स्फोट, 16 जवान जखमी

रांची(वृत्तसंस्था) – झारखंडच्या सरायकेला खरसावा येथे नक्षलवाद्यांनी आज मंगळवारी सकाळी आयईडी ब्लास्ट घडवला. या स्फोटात पोलिस आणि 209 कोबरा पथकाचे 16 जवान जखमी झाले. त्यापैकी 7 जणांची प्रकृती चिंताजनक असल्याचे सांगितले जात आहे. पोलिस अधीक्षक चंदन कुमार सिन्हा यांनी दिलेल्या माहितीप्रमाणे, स्फोट घडवल्यानंतर नक्षल्यांनी जवानांवर फायरिंग देखील केली. ही घटना राय सिंदरी डोंगर परिसरात घडली आहे. दरम्यान, जखमी जवानांना तातडीने उपचारास नेण्यासाठी एअर अॅम्बुलेंसची मदत घेण्यात आली आहे. त्या सर्वांना राची येथील रुग्णालयात दाखल करण्यात आले आहे.

वरिष्ठ अधिकाऱ्यांनी दिलेल्या माहितीनुसार, सीआरपीएफची विशेष टीम कोबरा आणि झारखंडच्या जग्वार जवानांनी सकाळी लाँग रेंज गस्त लावली. सर्च ऑपरेशनवरून परत येत असताना त्यांना लक्ष्य करून बॉम्बस्फोट घडवण्यात आला. यानंतर गोळीबार देखील झाला. सध्या परिसरात चोख सुरक्षा बंदोबस्त तैनात करण्यात आला असून पसार झालेल्या नक्षलवाद्यांचा शोध घेतला जात आहे. विशेष म्हणजे, गडचिरोलीत 30 एप्रिल रोजी नक्षल्यांनी पोलिसांना लक्ष्य करून हल्ला केला होता. त्यामध्ये 15 जवान शहीद झाले होते. या हल्ल्याच्या अवघ्या काही तासांपूर्वी नक्षलवाद्यांनी रस्ते बांधकाम करणाऱ्या 30 वाहनांना आग लावली होती.

Share