गोंदिया : क्रीडा व युवक सेवा संचालनालय पुणे तथा जिल्हा क्रीडा अधिकारी कार्यालय गोंदिया द्वारे जिल्ह्यातील 30 युवतींसाठी 6 जून पासून ते 15 जून 2019 या कालावधीत स्वयंसिध्दा अंतर्गत मास्टर ट्रेनर्स तयार करण्याकरीता दहा दिवसीय जिल्हास्तरीय निवासी शिबिराचे आयोजन जिल्हा क्रीडा संकुल, मरारटोली, गोंदिया येथे करण्यात आले आहे. महिलांनी स्वत:चे स्वरक्षण करण्याकरीता राज्य शासनाने स्वयंसिध्दा योजना सुरु केली आहे. या योजनेअंतर्गत त्यांना स्वरक्षणाच्या विविध बाबी, तंत्र, व्याख्यान, तज्ञ मार्गदर्शकांमार्फत प्रशिक्षण देण्यात येणार आहे.
तरी जिल्ह्यातील इच्छूक युवतींनी कार्यालयीन वेळेत जिल्हा क्रीडा अधिकारी कार्यालय, मरारटोली, गोंदिया येथे प्रत्यक्ष संपर्क साधून आपला प्रवेश निश्चित करुन घ्यावा. असे आवाहन जिल्हा क्रीडा अधिकारी सुभाष गांगरेड्डीवार यांनी केले आहे.
