संख (ता.जत),दि.08ः- येथील जिल्हा परिषद प्राथमिक मराठी शाळा खोतधुमाळवस्तीचे प्राथमिक शिक्षक किशोर बळीराम चलाख यांनी जीवनगौरव मासिक राज्यस्तरीय महाकाव्य लेखन स्पर्धेत प्रथम क्रमांक पटकावल्याबद्दल आमदार किशोर दराडे,जेष्ठ शिक्षणतज्ञ भाऊसाहेब चासकर, जीवन गौरवचे मुख्य संपादक रामदास वाघमारे यांच्या हस्ते सन्मानचिन्ह,प्रमाणपत्र व जीवन गौरव मासिक देऊन सन्मान करण्यात आला.
रामशेज शिक्षण संस्था व जीवन गौरव मासिक यांच्या संयुक्त विद्यमाने आयोजित दुसरे शिक्षक साहित्य संमेलन नाशिक येथे आयोजित करण्यात आले होते.त्या कार्यक्रमात हा सन्मान करण्यात आला.कार्यक्रमाला आ.किशोर दराडे , जेष्ठ शिक्षणतज्ञ भाऊसाहेब चासकर, अखिल भारतीय मराठी साहित्य संमेलनाचे माजी अध्यक्ष व जेष्ठ संपादक उत्तम कांबळे,रामशेज शिक्षण संस्थेचे अध्यक्ष शिवराम बोडके,जीवन गौरवचे मुख्य संपादक रामदास वाघमारे,सांगली जिल्ह्यातील जीवन गौरव मासिकाचे सहसंपादक महादेव हवालदार उपस्थित होते.नुकत्याच गोवा येथे झालेल्या राज्यस्तरीय काव्यलेखन स्पर्धेतही त्यांच्या काव्यास “उत्कृष्ट क्रमांक” मिळालेला होता.तसेच अनेक मासिकात,दिवाळी अंकातही त्यांच्या कविता व लेख प्रसिद्ध झालेले आहेत.
