देवरी,दि.8- स्थानिक मनोहरभाई पटेल हायस्कूलची अनुश्री हेमंतकुमार भेंडारकर हिने यावर्षी नागपूर बोर्डाने घेतलेल्या 10वीच्या परीक्षेत 95.60 टक्के गुण मिळवून तालुक्यातून प्रथम येण्याचा मान मिळविला आहे.
मनोहरभाई पटेल हायस्कूलचा निकाल 68.18 टक्के लागला असून यामध्ये प्राविण्य श्रेणीत 18 विद्यार्थी, प्रथम श्रेणीत 51, द्वितीय श्रेणीत 55 विद्यार्थ्यांचा समावेश आहे. यामध्ये अनुश्री भेंडारकर हिने 95.60 टक्के गुणे घेत तालुक्यात प्रथम क्रमांक मिळविला आहे. याशिवाय सानिया राजेश देशपांडे 94.40 टक्के, आदित्य नेपालचंद बावणथडे 91.40 टक्के आणि अंकिता रोशण शहारे 90.20 टक्के गुण मिळवून प्राविण्य श्रेणीत स्थान मिळविले आहे.यशस्वी विद्यार्थ्याचे प्राचार्य के.सी.शहारे, उपमुख्याध्यापक गोंडाणे, एसटी हलमारे आदी शिक्षकांनी अभिनंदन केले आहे.
