गोंदिया,दि.09ः-महाराष्ट्र राज्य परिक्षा मंडळाच्यावतीने घेण्यात आलेल्या इयत्ता 10 वी परिक्षेचा निकाल शनिवारला जाहिर झाला असून यात गोंदियाच्या जानकीदेवी हायस्कलची विद्यार्थीनी ईशा किरणकुमार बिसेन हिने अंध विद्यार्थ्यांमध्ये महाराष्ट्रात प्रथम क्रमांक पटकावला आहे.सदर शाळेचा निकाल 100 टक्के लागला.ईशा बिसेनचे शाळेच्यावतीने ईशा व तिच्या आईवडिलांचे पुष्पगुच्छ देऊन अभिनंदन करण्यात आले आहे.ईशा चे वडील हे जिल्हा परिषद प्राथमिक शाळेत शिक्षक आहेत.ईशाच्या या यशाबद्दल संस्थेचे सचिव सुरेश चौरागडे,संचालिका रेखादेवी चौरागडे व मुख्याध्यापक प्रमोद चौरागडे यांनी अभिनंदन केले आहे. गुणवंत विद्यार्थ्यांनी यशाचे श्रेय संपूर्ण शिक्षकांना आणि शाळेच्या मुख्याध्यापक प्रमोद चौरागडे यांना आणि आई वडिलांना दिले.
