मुख्य बातम्या:

संगीता बाबानी यांच्या ओटर्स क्लब येथील समारंभाला अनेक नामवंत व्यक्तींची उपस्थिती!

मुंबई,दि.13ः-संगीता बाबानी ह्या एक प्रसिद्ध कलाकार असून त्या आपल्या गाडीवरील कलेसाठीही परिचित आहेत. त्यांनी १० फूट बाय ५ फूट आर्टवर्कची एक अद्वितीय मिश्रित मीडिया संकल्पना बनविली आहे. ‘जॉयफुल मोमेंट्स’ असे नाव असलेले ही कलाकृती अवघ्या ३ महिन्यांच्या अल्पावधीत पूर्ण झाली! संगीताने या कलाकृतीमध्ये लाकूड, धातू, शिल्पकला पेस्ट इत्यादीसह विविध माध्यमांचा वापर केला आहे. याचे प्रदर्शन ओटर्स क्लब मध्ये करण्यात आले होते.

ओटर्स क्लबच्या पहिल्या मजल्यावर दोन इंचाच्या मोल्ड केलेल्या फ्रेम्ससह संगीता बाबानी यांचे प्रदर्शन स्थापित केले गेले आहे. वेगवेगळ्या क्षेत्रातील आदरणीय अतिथिंच्या उपस्थितीत ह्या प्रदर्शनाचे अनावरण करण्यात आले. प्रसंगी मुख्य अतिथी म्हणून शालेय शिक्षण, क्रीडा व युवा कल्याण मंत्री आशिष शेलार यांच्या शिवाय अभिनेत्री प्रीति झंगियानी, अनंगशा विश्वास आणि गझल गायक जसविंदर सिंग यांनी उपस्थिती दर्शविली.
स्पेनमध्ये वाढलेल्या आणि मुंबईत स्थायिक झालेल्या कलाकार संगीता बाबानी यांनी कला आणि संस्कृतीत श्रीमंत असलेल्या स्पेनमधील कलेचा अभ्यास केला आहे. अभिमानी भारतीय असल्याने भारतातील अफाट सांस्कृतिक विविधता नैसर्गिकरित्या त्यांच्यात रुजली आहे आणि त्यांच्यावर त्याचा अफाट प्रभाव आहे! त्या म्हणतात की, “या कला स्थापनेद्वारे तरुणांना त्यांच्या सर्जनशीलता आणि उत्कटतेचे अनुसरण करण्यास प्रोत्साहित करण्याचे माझे लक्ष्य आहे.”

Share