नांदेड,(सय्यद रियाज),दि.27- बिलोली तालुक्यातील कासराळी जवळ असलेल्या कमल पेट्रोलपंपा समोर एका पिशवीत गुंडाळलेले अभ्रक 27 आगस्टच्या सायंकाळी सहा वाजेच्या सुमारास आढळून आल्याची घटना उघडकीस आली. थोड्या वेळापूर्वी आलेल्या जोरदार पावसाच्या दरम्यानच कुणीतरी तासाभरापुर्वी जन्माला आलेल्या त्या शिशूला फेकुन देण्यात आले होते.त्याचवेळी सय्यद अजीसमौलास तसेच मोटारसायकलने जात असलेल्या अनुराधा पांडुरंग बागडे यांना पिशवी दिसून आली असता त्यांनी पतीला पिशवीत काहीतरी असल्याची शंका व्यक्त केली.त्यावेळी पांडुरंग बागडे यांनी मोटारसायकल थांबवून सदरील पिशवी पाहिली असता त्यामध्ये जिवंत बाळ असल्याचे नजरेस आले. बाळ पावसाच्या पाण्यात पूर्णपने भिजलेले होते.त्या बाळाला ताबडतोब उचलून बिलोली ग्रामीण रुग्णालयात आणण्यात नेण्यात आले.तिथे त्याच्यावर प्राथमिक उपचार केल्यानंतर डॉ. नागेश लखमावार व डॉ. ठक्करवाड यांनी प्रथमोपचार करून 108 अंबुलंस ने नांदेड येथील जिल्हा रुग्णालयात सदर बाळाला पुढील उपचारासाठी पाठविले आहे.
