लेनोव्हो कंपनीने आपला के ८ प्लस या स्मार्टफोनच्या मूल्यात कपात केली असून यासोबत विविध सवलती प्रदान केल्या आहेत. लेनोव्हो के ८ प्लस हा स्मार्टफोन गेल्या सप्टेबर महिन्यात ग्राहकांसाठी १०,९९९ रूपये मूल्यात लाँच करण्यात आला होता. यात आता एक हजार रूपयांची कपात करण्यात आली असून हे मॉडेल ग्राहकांना ९,९९९ रूपये मूल्यात उपलब्ध करण्यात आले आहे. ही कपात फक्त ३ जीबी व्हेरियंटसाठी देण्यात आलेली असून हे मॉडेल व्हेनम ब्लॅक आणि फाईन गोल्ड या रंगाच्या पर्यायांमध्ये उपलब्ध आहे. यासोबत कंपनीने अनेक आकर्षक सवलती दिल्या आहेत. यात ९,००० रूपयांपर्यंत एक्सचेंज ऑफरचा समावेश आहे. तसेच ४१७ वा ४८५ रूपये प्रती महिना या दराने विना व्याजी इएमआयच्या माध्यमातूनही या स्मार्टफोनला खरेदी करण्याचा पर्याय देण्यात आला आहे. ग्राहक हा स्मार्टफोन फ्लिपकार्ट या शॉपींग पोर्टलवरून खरेदी करू शकतात.
