मुख्य बातम्या:
पंचायत समिती कार्यालयावरीव तिरंग्याजवळच आत्मदहनाचा प्रयत्न# #जिल्ह्याच्या सर्वांगीण विकासासाठी कटिबध्द- पालकमंत्री बडोले# #वाशिम जिल्ह्यात ‘युवा माहिती दूत’ उपक्रमाचा शुभारंभ# #शेतकऱ्यांच्या समृद्धीसाठी विविध योजनांची प्रभावी अंमलबजावणी- पालकमंत्री संजय राठोड# #क्षत्रिय पोवार समाज संघ पुणेद्वारा व्यवसाय मार्गदर्शन कार्यक्रम १६ सितंबर को# #दुष्काळमुक्तीसाठी नागरिकांना जागृत करणार्या अधिकार्याचा सत्कार;वॉटर कप स्पर्धेत झरंडी प्रथम# #युवा भोयर-पवार मंच वार्षिक महोत्सव उत्साहात# #अंबाझरी टी पॉइंटजवळ भीषण अपघात, दुचाकीवरच्या तिघींचा मृत्यू# #विभागीय आयुक्त अनुपकुमार यांची बदली# #गोवारी समाजाला ST आरक्षण मिळणार; नागपूर खंडपीठाचा ऐतिहासिक निकाल

चंद्रपूर जिल्ह्यातील ४ विद्यार्थ्यांनी गाठले एव्हरेस्ट

चंद्रपूर,दि.17ः-मिशन शौर्य या धाडसी उपक्रमांतर्गत अर्थमंत्री तथा चंद्रपूर जिल्ह्य़ाचे पालकमंत्री सुधीर मुनगंटीवार यांच्या पुढाकाराने तसेच प्रोत्साहनाने चंद्रपूर जिल्ह्य़ातील आदिवासी आर्शमशाळांमधील १0 आदिवासी विद्यार्थी महिन्याभरापूर्वी माऊंट एव्हरेस्ट हे शिखर सर करण्यासाठी निघाले होते. यातील चार विद्यार्थ्यांनी १६ मे रोजी माऊंट एव्हरेस्ट हे शिखर गाठले.
चंद्रपूर जिल्ह्य़ातील शासकीय आदिवासी आर्शमशाळा देवाडा येथील उमाकांत सुरेश मडावी, प्रमेश सीताराम आले, मनीषा धर्मा धुर्वे आणि शासकीय आदिवासी आर्शमशाळा जिवती येथील कवीदास पांडुरंग काटमोडे या विद्यार्थ्यांनी एव्हरेस्ट सर करून चंद्रपूर जिल्ह्य़ाची मान अभिमानाने उंच केली आहे. अर्थमंत्री सुधीर मुनगंटीवारांच्या पुढाकाराने नुकतीच चंद्रपूर आणि बल्लारपूर ही रेल्वे स्थानके देशातील सर्वात सुंदर रेल्वे स्थानके म्हणून विजेती ठरली. त्यापाठोपाठ चंद्रपूर जिल्ह्य़ातील चार आदिवासी विद्यार्थ्यांनी हा पराक्रम करून चंद्रपूर जिल्ह्याचा नावलौकिक वाढवला आहे.
मिशन शौर्य हा उपक्रम अर्थमंत्री सुधीर मुनगंटीवार यांच्या पुढाकाराने आदिवासी विकास विभाग व चंद्रपूर जिल्हा प्रशासन यांच्या संयुक्त विद्यमाने राबविण्यात आला असून या विद्यार्थ्यांना अर्थमंत्री सुधीर मुनगंटीवार आणि आदिवासी विकास मंत्री विष्णू सावरा यांनी चंद्रपुरात आयोजित कार्यक्रमात हिरवी झेंडी दाखवत शुभेच्छा दिल्या. या १0 विद्यार्थ्यांपैकी आणखी २ विद्यार्थी येत्या २ दिवसात माऊंट एव्हरेस्ट सर करतील. या धाडसी, शूर, देशभक्त विद्यार्थ्यांचे अर्थमंत्री सुधीर मुनगंटीवार यांनी अभिनंदन केले आहे.

Share