पदवीधर तरुणाची आत्महत्या

भंडारा,दि.26ः-शहराच्या काझीनगर परिसरात बेरोजगारीमुळे आलेल्या नैराश्यापोटी राहत्या घरात २८ वर्षीय तरुणाने गळफास घेऊन आत्महत्या केल्याची घटना रविवारी (दि.२४)  उघडकीस आली.
प्रमोद भाऊराव निमजे असे मृत तरुणाचे नाव आहे. गेल्या काही दिवसांपासून प्रमोद नोकरी मिळविण्यासाठी प्रयत्न करीत होता. त्याचे पदवीपयर्ंत शिक्षण पूर्ण झाले होते. मात्र नोकरी मिळविण्यात सतत अपयश येत असल्याने तो तणावात होता. रविवारी घरी कुणीच नसल्याने त्याने आत्महत्या करण्याचे टोकाचे पाऊल उचलले. त्याने स्लॅबच्या हुकला साडीच्या लाल रंगाच्या लेसने गळफास लावून आत्महत्या केली. प्रमोदने आत्महत्येपूर्वी लिहून ठेवलेल्या चिठ्ठीतल्या ओळी मन सुन्न करणार्‍या आहेत. या चिठ्ठीत प्रमोद म्हणतो की, ‘मम्मी-पप्पा सॉरी, मी तुमच्यासाठी काहीच करू शकलो नाही’ मी माझ्या पूर्ण शुद्धीत हे पाऊल उचलत आहे. त्यासाठी माझे कुटूंबीय किंवा इतर कुणालाही जबाबदार धरू नये. मी माझ्या आयुष्याला खूप कंटाळलो आहे. त्यामुळे आता मला जगायची कुठलीच आस नाही. मी जे करतोय त्याला सर्वतोपरी मीच जबाबदार आहे. म्हणून माझ्या मागे कुणालाही त्रास द्यायची गरज नाही.’ याप्रकरणी भंडारा पोलिसांनी घटनास्थळी पंचनामा करून र्मग दाखल केला असून घटनेचा पुढील तपास सहाय्यक फौजदार ईलमकर करीत आहेत.