धम्मचक्र प्रवर्तनदिनाचा सोहळा दीक्षाभूमीवर

नागपूर दि.१८:: माणसाला माणूस म्हणून जगण्याचा अधिकार न देणारा धर्म नाकारत डॉ. बाबासाहेब आंबेडकरांनी १९५६ रोजी समता, करुणेचा संदेश देणारा बौद्ध धर्म स्वीकारला. या स्मृतीला उजाळा देण्यासाठी लाखो बौद्ध उपासक दरवर्षी दीक्षाभूमीवर येऊन समतेचा जागर करतात. त्याची आठवण म्हणून गुरुवार, १८ ऑक्टोबर रोजी ६२वा धम्मचक्र प्रवर्तन दिनाचा मुख्य सोहळा आयोजित करण्यात आला आहे. सायंकाळी ६ वाजता या सोहळ्याला सुरुवात होईल.धम्मचक्र प्रवर्तनदिनाच्या मुख्य समारंभाचे थेट प्रसारण सायंकाळी ५ वाजेपासून दूरदर्शनसह लॉर्ड बुद्धा, आवाज इंडिया आणि यूसीएन या नागपुरातील वाहिन्यांवरून होणार आहे