मुख्य बातम्या:
वृक्ष लागवडीचे उद्दिष्ट साध्य करण्यासाठी योग्य नियोजन करा-विभागीय आयुक्त पीयूष सिंह# #मेंढे यांच्या मूळगावासह मतदारसंघात कार्यकर्त्यांनी साजरी केली दिवाळी# #अंकुश शिंदे सोलापूरचे नवीन पोलीस आयुक्त, तर एम. बी. तांबडें नवे नक्षलचे पोलीस उपमहानिरिक्षक# #जिल्हा परिषद व पंचायत समिती सदस्य रिक्तपदांच्या पोटनिवडणुकांसाठी 23 जूनला मतदान# #कवयित्री पंचवटी गोंडाळे यांचा राज्यस्तरीय पुरस्काराने सन्मान# #वंचित बहुजन आघाडीमुळे दोन माजी मुख्यमंत्र्याना पराभवाचा फटका# #५0 हजारांची लाच स्वीकारणार्‍या मंडळ अधिकार्‍याला अटक# #निशुल्क एकदिवसीय उद्योजकता परिचय कार्यक्रम# #भारतीय सैन्यात महिला सैनिक पोलीस भरती# #खासदार भावना गवळी यांना विजयी प्रमाणपत्र प्रदान

चित्रपट हे समाजप्रबोधनाचे साधन व्हावे-अनिल सवई

गोंदिया,दि.०४-हिराज प्राडक्शनच्यावतीने जागतिक दिव्यांगदिनी गोंदियासह पुर्व विदर्भातील जिल्ह्यात चित्रिकरण झालेल्या आणि दिव्यांगाच्या जिवनावर आधारित असलेल्या दिव्यांग चित्रपटाच्या पोस्टरचे लोकार्पण भवभूती रंगमंदीराच्या सभागृहात आयोजित कार्यक्रमात उत्साहात करण्यात आले.यावेळी उदघाटक म्हणून बोलतांना जिल्हा पुरवठा अधिकारी अनिल सवई यांनी चित्रपट हे मनोरंजनाचे साधन न होता प्रबोधनाचे माध्यम होणे आवश्यक असून दिव्यांग चित्रपटाची संकल्पना आणि कथानकाकडे बघितल्यास समाजाला मार्गदर्शन करणारा हा चित्रपट असून पुर्व विदर्भातील नैसर्गिक साधनसंपत्तीचे दर्शन या चित्रपटाच्या माध्यमातून होणार असल्याचे विचार व्यक्त केले.
या कार्यक्रमाला जेष्ठ पत्रकार प्रा.एच.एच.पारधी,खेमेंद्र कटरे,अमर वराडे,अतुल सतदेवे,डॉ.नोव्हील ब्राम्हणकर,डॉ.मौसमी ब्राम्हणकर,गुरमीत चावला,सुर्वणा हुबेकर,सविता बेदरकर,आरती चवारे,जितेश राणे,दिपक बहेकार,शिव नागपूरे,विश्वजित बागडे,कैलास भेलावे,सुनिल भोंगाडे,रवि भांडारकर,योगेश राऊत,बदर शेख,जिवनलाल शरणागत,राकेश टेंभरे,चित्रपटाचे निर्माता दिनेश फरकुंडे,दिग्दर्शक दिलीप कोसरे,विकास गजभिये,आकाश चंद्रगिरीवार,याशिन मेमन,पारस रजक,शैलेष दानी,संतोषकुार,पोरस शेंडे यांच्यासह चित्रपटाचे कलावंत उपस्थित होते.याप्रसंगी पाहुण्याच्या हस्ते दिव्यांग चित्रपटाच्या पोस्टरचे लोकार्पण करण्यात आले.
पुढे बोलतांना सवई म्हणाले की,आधीच्या काळातील चित्रपटामध्ये एक समाज घडविण्याचा संदेश असायचा आपल्या युवकांनी सैराट सारख्या चित्रपटाला डोक्यावर घेतले असले तरी त्या चित्रपटातून समाजाला काय मिळाले याचाही विचार महत्वाच आहे.चित्रपट म्हटले की मनोरंजन हा भाग आज झालेला असली तरी समाजप्रबोधनाशिवाय ते पुर्ण होऊ शकत नाही,त्यामुळे दिव्यांग या चित्रपटाच्या माध्यमातून अंपगाचे जिवनमान समाजात कसे असते त्याचे चित्रन समाजापुढे दाखविण्याचा झालेला प्रयत्न उल्लेखनिय असून यापुढेही असेच चित्रपट काढून समाजपयोगी कार्य करावे अशा शुभेच्छा दिल्या.यावेळी प्रा.एच.एच.पारधी,अमर वराडे,खेमेंद्र कटरे आदीनीही आपले विचार व्यक्त केले.दिग्दर्शक दिलीप कोसरे यांनी चित्रपटाबद्दल व कलावंताची माहिती दिली.संचालन शिव नागपूरे यांनी केले

Share