गोंदिया,दि.14 : ब्रेनमध्ये ऑक्सिजनचे प्रमाण कमी असल्यास व्यक्तीला फीट येत असते. मात्र, फीट या आजारावर उपचार करून घेतल्यास निश्चितच त्यावर प्रतिबंध घालता येतो. व्यक्तीने त्या संदर्भात वेळीच उपचार करून घेणे आवश्यक आहे. त्यानुरूप या रोगावर उपाय करण्यासाठी विविध शिबिरांचे आयोजन केले जाते. या शिबिराच्या माध्यमातून निश्चितच हा आजार कमी होतो. त्यामुळे या आजाराविषयी कसल्याही प्रकारची भीती मनात ठेऊ नये, अशी माहिती ईिपलेप्सी फाउंडेशन मुंबईचे चेअरमेन डॉ. निर्मल सूर्या यांनी दिली.
या शिबिराच्या माध्यमातून जवळपास २०० रुग्णांची तपासणी करण्यात आली असून अजूनही काही रुग्णांची तपासणी या शिबिराच्या माध्यमातून केली जाणार असून रुग्णांसाठी ३ महिन्यांची औषधी दिली जाणार असल्याचे सांगितले. मागील ८ वर्षांपासून राज्यातील प्रत्येक जिल्ह्यात अशा शिबिराचे आयोजन सुरू असून शासनाच्या माध्यमातून या शिबिरामागे ४ लाख ४० हजाराचे अनुदान प्राप्त होते. त्यामुळे जास्तीत जास्त नागरिकांनी अशा शिबिराचा लाभ घेण्याचे आवाहनही त्यांनी केले. .
