छत्तीसगडचा जागृती जत्था आणि अविनाश नाईक यांचं संगित मैफल
गोंदिया ता.27 मार्च :-भारतीय राज्यघटनेचे शिल्पकार डॉ बाबासाहेब आंबेडकरांच्या 134 व्या जयंतीसाठी गोंदियात जय्यत तय्यारी सुरु झाली आहे.पुढील महिन्यात तारीख 14 आणि 15 एप्रिल रोजी आयोजित या दोन दिवशीय कार्यक्रमा दरम्यान विविध उपक्रम राबविण्यात येणार आहेत. दरम्यान 14 एप्रिल रोजी आयोजित मुख्य कार्यक्रमात उत्तर प्रदेश च्या बनारस हिंदू युनिव्हर्सिटीचे प्रोफेसर महेश प्रसाद अहिरवार मुख्यवक्ता म्हणून मार्गदर्शन करणार आहेत.तर 15 एप्रिल रोजी आयोजित कॅडर कॅम्प मध्ये ज्येष्ठ पत्रकार निरंजन टकले मार्गदर्शन करणार आहेत.
डॉ. बाबासाहेब आंबेडकर सार्व. जयंती उत्सव समितीचे अध्यक्ष अनंत कुमार टेम्भूरकर यांनी दिलेल्या माहिती नुसार जयंतीच्या कार्यक्रमासाठी कार्यकर्ते कामाला लागले असून हा कार्यक्रम नगरपरिषद सुभाष शाळेच्या पटांगनावर होणार आहे.13 एप्रिलच्या मध्यरात्री फटाक्याच्या लड्या फोडून अतिशबाजी करण्यात येईल. त्यांनतर सकाळी डॉ बाबासाहेब आंबेडकरांच्या पुतळ्याला अभिवादन करून जयंतीच्या मुख्य कार्यक्रमाला सुरुवात होईल. शहरातील प्रत्येक भागातून रॅली काढण्यात येणार असून फुले शाहू आंबेडकरी विचारधारेवर देखाव्यांचे प्रदर्शन घडविण्यात येणार आहे.याप्रसंगी विविध समाजातील सामाजिक कार्यकर्त्यांचा स्मृती चिन्ह देऊन सत्कार करण्यात येईल. फुले शाहू आंबेडकरी विचारधारेवर आधारित छत्तीसगड येथील जागृती जत्था द्वारा प्रस्तुत भीमगीतांची मैफल,तसेच प्रा. अहिरवार या मुख्य वक्त्यांचे प्रबोधन होणार आहे.
दुसऱ्या दिवशी ता.15 रोजी विद्यार्थ्यांची गुणवत्ता परीक्षा, प्रसिद्ध विचारवंत व पत्रकार निरंजन टकले यांचे कॅडर कॅम्प, बुद्धिमान अधिकाऱ्यांकडून विद्यार्थ्यांना कॉम्पिटिशन परीक्षेचे मार्गदर्शन होणार आहे. दरम्यान रात्री मनोरंजनपर कार्यक्रमांतर्गत मुंबई येथील प्रसिद्ध गायक आणि लोक कवी वामनदादा कर्डक यांचे नातजावई अविनाश नाईक यांचा ऑर्केस्ट्रा कार्यक्रम होणार आहे. या कार्यक्रमात मोठया संख्येने उपस्थित राहण्याचे आवाहन जयंती समितीचे अध्यक्ष अनंत टेम्भूरकर,उपाध्यक्ष अशोक कांबळे, महासचिव अरविंद भावे, कोकिळा राहुलकर,विलास वासनिक, अरविंद साखरे,नानाजी शेंडे, सविता उके, डॉ राजेश उके,सुनील डोंगरे,सुनील मेश्राम, संजय वाहाणे,मच्छिन्द्र भेलावे,संतोष श्यामकुवर,मनिषा गजभिये,ऍड अंजली चौरे, निशा मेश्राम, पृथ्वीराज कोल्हटकर यांनी केले आहे.
