गोंदिया,दि.२९: गोंदिया शहर व रामनगर पोलीस ठाणे अंतर्गत येत असलेल्या भागात बनावट दारु तयार करुन विक्री करण्यात येत असल्याची माहिती स्थानिक गुन्हे शाखेच्या पथकास मिळताच स्थानिक गुन्हे शाखेच्या पथकाने २८ एप्रिलच्या रात्री १२ वाजेच्या सुमारास सदर कारखान्यावर धाड घालून ५ लाख ८८ हजार रुपयाचा मुद्देमालासह तिघांना ताब्यात घेतले.
भागवतटोला शेतशिवारामध्ये धर्मेंद्र डहारे राहणार ढाकनी हा आपल्या ईतर साथीदारांचे मदतीने एका पकक्या बांधकाम असलेल्या घरात/ गोठ्यात बनावट इंग्रजी दारू तयार करीत असल्याची माहिती पोलिसांना मिळताच वरिष्ठांना माहिती देत स्थानिक गुन्हे शाखेच्या पथकाने मिळालेल्या बातमीच्या ठिकाणी जाऊन रात्री 12.30 वाजता छापा टाकून कारवाई केली. पोलीस आल्याची चाहूल लागताच काही इसम रात्रीच्या अंधाराचा फायदा घेत पळून गेले तर तिघे इसम बनावट इंग्रजी दारू निर्मिती करीत असताना जागेवर मिळून आले.
मिळून आलेल्या तिन्ही इसमांना ताब्यात घेऊन बनावट इंग्रजी दारू निर्मिती ठिकाणची पाहणी करून बनावट इंग्रजी दारू निर्मितीकरीता वापरले जाणारे साहित्य स्पिरीट, खाली बॉटल, डुप्लिकेट लेबल, विविध रंगाचे चॉकलेटी फ्लेवर, 4 मोटर सायकल, प्लास्टिक कॅन, ड्रम, बनावटी इंग्रजी दारू, टिल्लू पंप, व दारू निर्मिती चे ईतर साहित्य असा एकुण किंमती 5 लक्ष 88 हजार 260/- रुपयांचा मुद्देमाल आरोपींचे ताब्यातून जप्त करण्यात आला.तसेच बनावट इंग्रजी दारू निर्मिती करणारे आरोपी हंसराज सुखचंद मस्करे वय 49 राहणार ढाकणी,जितेंद्र गोधनलाल नागपुरे वय 36राहणार- ढाकणी,गुलाब किसन वाढवे वय 40 राहणार ओझीटोला तसेच फरार आरोपी धर्मेंद्र डहारे राहणार ढाकणी व इतराविरुध्द पोलीस ठाणे रामनगर येथे महाराष्ट्र दारूबंदी अधिनियम 1949 कलम 65 अ, ब ,क ,ड, ई , 83, 108 सह कलम 123 भारतीय न्याय संहिता अन्वये सरतर्फे तक्रारदार – पोउपनि शरद सैदाने यांचे तक्रारी वरून गुन्हा दाखल करण्यात आलेला आहे.पुढील कायदेशीर कारवाई प्रक्रिया रामनगर पोलीस करीत आहेत.
सदरची कारवाई पोलीस अधीक्षक गोरख भामरे, अप्पर पोलीस अधीक्षक नित्यानंद झा, यांचे निर्देश सूचनाप्रमाणे व उपविभागीय पोलीस अधिकारी उपविभाग गोंदिया रोहिणी बानकर, यांच्या मार्गदर्शनाखाली स्थानिक गुन्हे शाखेचे पोलीस निरीक्षक दिनेश लबडे, यांचे नेतृत्वात सपोनी धीरज राजूरकर, पोउपनि शरद सैदाने, अंमलदार राजेंद्र मिश्रा, महेश मेहर, भुवन देशमुख, सुजित हलमारे प्रकाश गायधने , इंद्रजीत बिसेन, सुबोध बीसेन, दुर्गेश तिवारी, घनश्याम कुंभलवार, राम खंदारे लक्ष्मण बंजार यांनी केली आहे.
