चंद्रपूर :-उपप्रादेशिक परिवहन अधिका_यांवर दरवर्षी बेकायदेशीरपणे कोट्यवधी रुपये वसूल करण्याचा आरोप होत आहे. ज्यामध्ये एका राज्यातून दुस_यां राज्यात खाजगी वाहतुकीसाठी प्रवेश शुल्क, सीमा तपासणी नाक्यांवर अवैध वसुली आणि आरटीओ कार्यालयात केलेल्या सर्व कामांसाठी कमिशन यांचा समावेश होता. तसेच 3 वर्षाचा कार्यकाळ संपल्यानंतरही आरटीओ अधिकारी पदावर कायम कसे? असा प्रश्न युवक काँग्रेस चे जिल्हाध्यक्ष शंतनू धोटे यांनी पत्रकार परिषदेत उपस्थित केला आहे.
पत्रकार परिषदेत शंतनू धोटे म्हणाले की, चंद्रपूर जिल्ह्यातील महाराष्ट्र-तेलंगणा सीमेवरील लक्कडकोट चौकीवरील आरटीओ अधिकारी सहसा प्रति ट्रक ५०० रुपये आकारतात. या चौकीवरून दररोज ६०० ट्रक जातात. अशाप्रकारे, ओव्हरलोडेड टीडी तपासण्याच्या नावाखाली, दररोज 3 लाख रुपये या दराने एका महिन्यात अंदाजे 1 कोटी रुपये वसूल केल्याचा आरोप आहे. एवढेच नाही तर जिल्ह्यातील खनिज वाहतुकीमध्ये कोळसा, वाळू, लोखंड, चुनखडी, गिट्टी, लॅटराइट आणि मुरूम अशा विविध प्रकारच्या खनिजांची वाहतूक समाविष्ट असल्याचा आरोपही करण्यात आला. जास्त भारामुळे रस्ते खराब होत आहेत. रस्त्यांचे जीवन बिघडत चालले आहे. ट्रक आणि टिप्परचे ब्रेक काम करत नसल्याने अपघातांचे प्रमाण वाढत आहे. अपघातात मृत्युमुखी पडणा_यांना आरटीओकडून कोणतीही मदत दिली जात नाही. यासाठी आरटीओ अधिकारी मोरे यांनी या सर्व गोष्टींना आपण जबाबदार असल्याची माहिती दिली.
राज्य सरकारने एचएसआरपी नंबर प्लेटसाठी एक कार्यक्रम सुरू केला आहे. यामध्येही काही दलाल आणि व्यापारी जनतेला लुटत आहेत. एकंदरीत, संपूर्ण आरटीओ विभागाची सखोल चौकशी केली तर, अधिकारी, त्यांचे मध्यस्थ आणि व्यावसायिकांनी सुमारे 5 ते 10 कोटी रुपयांचे बेकायदेशीर पैसे कमावल्याचा आरोप धोटे यांनी केला आहे. या सगळ्याला आरटीओ अधिका_यांची निष्क्रियता जबाबदार आहे.
या संदर्भात शंतनू धोटे यांनी आरटीओ अधिकारी मोरे यांची तात्काळ बदली करण्याची आणि त्यांच्या मालमत्तेची चौकशी करण्याची मागणी केली आहे.
