गोंंदिया,दि.२१ः– राष्ट्रीय आरोग्य अभियान अंतर्गत “पँलिटिव्ह केअर” कार्यक्रम गोरगरीब रुग्णांसाठी आशेचा किरण ठरत आहे.जिल्ह्यात एप्रिल 2024 पासुन सुरु झालेला आहे. सद्य स्थितीत मार्च पासुन जिल्ह्याचे तापमान वाढत आहे. भर उन्हाळ्यात ह्या कार्यक्रमामुळे 116 रुग्णांना तेथील उपचारामुळे जिवनाला आधार मिळाले असल्याची माहिती जिल्हा शल्यचिकित्सक डॉ.अमरिश मोहबे यांनी दिली आहे.
पॉलिटिव्ह केअर हा कार्यक्रम गोंदिया जिल्ह्यातील राष्ट्रीय ग्रामीण आरोग्य अभियान अंतर्गत राबविण्यात येत आहे.या कार्यक्रम अंतर्गत दीर्घ मुदतीच्या व गंभीर आजारांचे रुग्णांचे योग्य ती देखभाल घेण्याबाबत प्रशिक्षण व तांत्रिक माहिती क्षेत्रीय कार्यकर्ता तसेच रुग्णांचे कुटुंबीयांना देण्यात येत आहे.
भर उन्हाळ्यात ह्या कार्यक्रमामुळे जिल्ह्यातील के.टी.एस.रुग्णालयातील पॉलिटिव्ह केअर कार्यक्रम अंतर्गत डॉ.गोपिका शाहु व स्टाफ नर्स निधी मिश्रा यांच्या पथकाने जिल्ह्यातील ग्रामिण रुग्णालय व गावपातळीवर जुनाट आजारी रुग्ण की जे अंथरुणावर खिळलेले असतात अशा 46 गृहभेटी दरम्यान घरांना भेटि देवुन 116 रुग्णांना भेटि देवुन रुग्णांना,त्यांच्या नातेवाईकांना,कार्यक्षेत्रातील आरोग्य सेविका व आशा सेविका यांना देखभाल घेण्याबाबत प्रशिक्षण व तांत्रिक माहिती दिलेली असल्याची माहीती अंससर्गजन्य कार्यक्रमाचे जिल्हास्तरीय समन्वयक डॉ.स्नेहा वंजारी यांनी दिली आहे.
भर उन्हाळ्यात माहे मार्च मध्ये 17 घरांतील 40 रुग्णांना तर एप्रिल मध्ये 12 घरांतील 35 रुग्णांना तसेच 21 मे पर्यंत 17 घरांतील 41 रुग्ण असे एकुण 46 घरातील 116 रुग्णांना पॉलिटिव्ह केअर कार्यक्रम अंतर्गत कार्यक्षेत्रात आरोग्य सेवा देण्यात आल्याची माहीती डॉ.गोपिका शाहु यांनी दिली आहे.
दि. 17 एप्रिल रोजी कुडवा 1 कार्यक्षेत्रात आरोग्य सेवा देताना डॉ.गोपिका शाहु व स्टाफ नर्स निधी मिश्रा तेथील समुदाय आरोग्य अधिकारी डॉ.नेहा टेंभरे, आरोग्य सेविका वर्षा बामलकर व प्रिती कटरे, आशा सेविका गायत्री ठाकरे व मिरा उपवंशी.
पॉलिटिव्ह केअर म्हणजे काय ?
रुग्ण दीर्घ काळापासून किंवा मोठ्या आजारांमुळे आजारी असतो उदा.कॅन्सर,एच.आय.व्ही.,कुष्ठरो
पेलेटिव्ह केअरचा उद्देश –
रुग्णांना दुखण्यापासून व त्रासदायक लक्षणापासून आराम देण्यास मदत करणे, रुग्णांच्या मानसिक सामाजिक आत्मिक गरजांवर लक्ष केंद्रित करणे व त्या गरजा पूर्ण करण्याचा प्रयत्न किंवा त्यासाठी लागणारी मदत करणे. रुग्णांना रुग्णाला आपले जीवन नैसर्गिक पद्धतीने जगावे यासाठी प्रयत्नशील असणे.आजारपणात लढण्यासाठी रुग्ण व त्यांचे कुटुंबीय यांचे मनोबल वाढविणे, रुग्णांच्या नातेवाईकांना रुग्णांच्या आजारपणात तसेच मृत्यूनंतरही सर्वतोपरी मदत करणे असल्याचे जिल्हा आरोग्य अधिकारी डॉ, नितीन वानखेडे यांनी दिली आहे.
आजारातील शेवटच्या टप्प्यात रुग्णांना वेदना पाहणे घरच्यांनाही शक्य होत नाही.दुर्धर आजाराच्या रुग्णांसाठी केंद्र शासनाने पॉलिटिव्ह केअर योजना हाती घेतली.दुर्धर आजाराच्या या रुग्णांना उपचारात्मक चिकित्सा सोबत वेदना व लक्षणे कमी करणारी चिकित्सा उपयुक्त असते. जिल्हा रुग्णालयात पॉलिटिव्ह केअर ओपीडी मुळे रुग्ण आणि रुग्णाच्या कुटुंबीयांना मोठा आधार मिळत असल्याची माहीती अतिरिक्त जिल्हा शल्यचिकित्सक डॉ.तृप्ती कटरे यांनी म्हटले आहे.
‘पॅलेटिव्ह केअर’ काळाची गरज
एखाद्या माणसाला गंभीर आजार एखादा झाला असल्यास किंवा वैद्यकीय भाषेत असा एखादा आजार ज्या आजारातून परतीचा प्रवास संभवत नाही, अशा आजारात घेतली जाणारी काळजी म्हणजेच ‘पॅलेटिव्ह केअर’. कोणत्याही गंभीर आजाराला जसा शारीरिक पैलू आहे; तसेच सामाजिक, कौटुंबिक, आध्यात्मिक, आर्थिक व मानसिक पैलूदेखील असतात. चालतीफिरती व्यक्ती असाध्य रोगाने आजारी पडते; त्या वेळी अनेक बाबींचा विचार करणे अत्यंत गरजेचे असते. नात्यांचा संपूर्ण अर्थ आणि चौकटी अशा वेळी बदलू शकतात. त्याचा ताण नात्यांवर पडू पाहतो.
